Орон нутгийн цагаар наймдугаар сарын 2-нд Канадын Монреаль хотод ДОХ-ын эсрэг олон улсын 24-р их хурал өндөрлөлөө. НҮБ-ын ДОХ-ын эсрэг хөтөлбөрийн газраас тухайн өвчинтэй тэмцэх, устгах чиглэлээр зоригтой алхам хийхийг дэлхийн улс орнуудын удирдагчдад хандан уриалсан байна.
2022 оны ДОХ-ын эсрэг олон улсын их хурлаар хөндөгдсөн асуудлууд нь ДОХ-ын эсрэг дэлхий нийтийн хариу арга хэмжээний эргэлтийн цэг байж болзошгүй хэмээн НҮБ-ын ДОХ-ын эсрэг хөтөлбөрийн гүйцэтгэх захирал Бианима хэллээ.
Глобал сан болон НҮБ-ын хамтарсан хөтөлбөрийн санхүүжилтийг яаралтай нэмэгдүүлж, энэхүү их хурлын үр дүнг газар дээр нь бодитой үйл ажиллагаа болгохыг уг хурлаас улс орнуудын засгийн газарт уриалжээ.