Синьхуа агентлагийн мэдээ: ОХУ-ын Батлан хамгаалах яам энэ сарын 15-ны өдөр мэдэгдэхдээ, Их Британийн тагнуулын онгоц мөн өдөр ОХУ-ын хойд хэсгийн Хилмийн хошуу /Святой нос/ орчмын бүс нутгаар ОХУ-ын агаарын хилийг зөрчиж тус улсын байлдааны онгоцонд хөөгдөн гарчээ.
ОХУ-ын хэвлэлийнхэн Батлан хамгаалах яамны мэдээллээс иш татан мэдээлэхдээ, “Тухайн өдөр үүрэг гүйцэтгэж байсан ОХУ-ын агаарын довтолгооноос хамгаалах хүчин Баренцын тэнгисийн дээгүүр ОХУ-ын хил рүү нисч байсан таних тэмдэг нь тодорхойгүй онгоцыг илрүүлсэн байна. ОХУ-ын агаарын орон зайд халдлага хийхээс сэргийлэхийн тулд ОХУ-ын МиГ-31БМ байлдааны онгоц хөөрсөн бөгөөд тухайн хил зөрчигч нь Их Британийн Агаарын цэргийн хүчний RC-135 тагнуулын онгоц байсныг баталжээ” гэжээ.