Герман байгалийн хийн хувьд Оросоос ихээхэн хамааралтай. Германы эрчим хүчний хяналт удирдлагын байгууллага дахь Холбооны сүлжээний агентлагийн дарга Клаус Мюллер саяхан хэлэхдээ, Оросоос нийлүүлэлт бүрмөсөн зогсвол 11-р сард Герман газар доорхи хийн агуулахуудаа дүүргээд нийт хүчин чадлынхаа 95 хувьд хүргэсэн ч гэсэн байгалийн хийн нөөц шавхагдаж, зөвхөн дулааны болон үйлдвэрлэлийн байгууламжийг 2-2.5 сарын хугацаанд л ажиллуулахад хүрэлцэнэ гэжээ.
Герман улс өвлийн бэлтгэлээ хангах үүднээс байгалийн хийн хуримтлалыг эрчимжүүлж байгаа бөгөөд 10-р сар гэхэд хийн нөөцөө 85 хувьд хүргэх ёстойг Мюллер онцлов.
Одоогийн байдлаар, Оросоос Герман руу байгалийн хий дамжуулж буй “Умардын урсгал-1” хоолой нь дээд хүчин чадлынхаа дөнгөж 20 хувийг л хангаж байна.
Эрчим хүчний хомсдолыг арилгахын тулд өвөл болохоос өмнө байгалийн хийн хэрэглээгээ багасгахыг Германы эрх баригчдаас олон нийтэд удаа дараа уриалсан байна.