Инфляцийн дарамт, зээлийн
хүүгээс улбаатай нефтийн үнийн өсөлт нь дэлхийн эдийн засагт маш сөргөөр
нөлөөлнө гэж Олон улсын эрчим хүчний агентлагаас энэ сарын 13-нд
нийтэлсэн "Газрын тосны зах зээлийн тайлан"-д онцолжээ. Тэрчлэн, эдийн засгийн
хямрал үргэлжлэн тэлж, “ОПЕК+” олборлолтоо бууруулах төлөвлөгөө боловсруулсны
улмаас нефтийн үнэ өсөж, дэлхийн хэмжээнд нефтийн эргэлт
удааширлаа гэжээ.
Тус мэдэгдэлд тэмдэглэхдээ, “ОПЕК+” газрын тосны
нийлүүлэлтээ их хэмжээгээр бууруулсан нь дэлхийн эрчим хүчний аюулгүй байдлын
эрсдэлийг нэмэгдүүлсэн хэмээн онцлов.
Олон улсын эрчим хүчний агентлагийн
энэхүү мэдэгдэл нь тус байгууллагын гишүүн орнууд болон ОПЕК-ийн гишүүн
орнуудын хоорондох асар их санал зөрөлдөөний илрэл боллоо. Ийм нөхцөл байдал нь
олон улсын нефтийн зах зээлийн тогтвортой байдалд ноцтой нөлөөлнө хэмээн
шинжээчид үзэж байна.