Турк, Орос хоёр Туркийн Фракийн бүс нутагт байгалийн хийн төвийг хамтран байгуулна гэж Туркийн ерөнхийлөгч Режеп Тайип Эрдоган Казахстанаас буцаж ирэх тусгай онгоцонд сэтгүүлчдэд мэдэгдэв гэж Туркийн хагас албан ёсны Анадолу агентлаг 14-нд мэдээлэв.

Режеп Тайип Эрдоганы дурдсан Фракийн бүс нь Туркийн баруун хойд хэсэгт Гректэй хиллэдэг бүс нутаг юм.

Орон нутгийн цагаар 13-нд Туркийн Ерөнхийлөгч Режеп Тайип Эрдоган, ОХУ-ын Ерөнхийлөгч В.Путин нар Астанад болсон Азид хамтын ажиллагаа итгэлцлийг бэхжүүлэх дээд хэмжээний уулзалтын үеэр уулзаж, Путин Туркт байгалийн хийн төв байгуулахыг санал болгож, Туркийг байгалийн хийг Европт нийлүүлэх "хамгийн найдвартай түнш" гэжээ.

Орос, Украины мөргөлдөөний талаар Турк зуучийн ажлыг үргэлжлүүлсээр байна гэж Эрдоган сэтгүүлчдэд хэлжээ.