Бээжингийн ном захиалгын 35 дахь яармаг 24-ний өдөр тус хотод нээгдлээ. Хятадын ном хэвлэлийн болон Хятадын ном сэтгүүл хэвлэн тараах нийгэмлэгээс зохион байгуулж байгаа юм. 50 мянган ам метр талбайд зохион байгуулагдах үзэсгэлэнд 2900 гаруй лангуу ажиллаж 700 гаруй компани оролцож, 400 мянга гаруй нэр төрлийн ном дэлгэгдэж байгаа нь хамгийн томд тооцогдож байгаа юм.
Энэ удаагийн яармаг хэвлэлийн үйлдвэр, сургууль, эрдэм шинжилгээ, хамтын ажиллагаа зэргийг хамарч, Хятадын хэвлэлийн хөгжлийн тайлангийн хурал, хэвлэн нийтлэх зохиогчийн эрхийн форум, хүүхдийн сэдэвт хэвлэлийн форум зэрэг олон хэлбэр, баялаг агуулга бүхий соёлын харилцааны үйл ажиллагаа болж байна. Мөн шинэ технологи, хэрэглээний шинэ программуудыг үзэсгэлэнгийн үеэр танилцуулах юм.