Синьхуа агентлагийн мэдээ: Беларусийн ерөнхийлөгч А.Г.Лукашенко 10-ны өдөр хэвлэл мэдээллийнхэнд хэлэхдээ, Беларусийн Агаарын цэргийн хүчин, Агаарын довтолгооноос хамгаалах хүчин 9-ний орой зүүн бүсийн хил дээр Украинаас ирсэн олон нисгэгчгүй онгоцыг буудаж унагасан гэв.

А.Г.Лукашенко хэлэхдээ, 9-ний орой Беларусийн Агаарын цэргийн хүчин Оростой хил залгаа зүүн бүсийн хилд Украинаас ирсэн арав гаруй агаарын объект Беларусийн агаарын орон зайд орсон болохыг илрүүлж, байлдааны нэгдүгээр зэрэглэлийн бэлэн байдалд орж, дараа нь объектийн заримыг нь устгав гэжээ.

Тэрээр хэлэхдээ, Беларусь эдгээр объектийг довтолгооны нисгэгчгүй онгоц гэж сэжиглэж байгаа бөгөөд сөнөөгдсөн объектийн хэлтэрхийг хайх ажиллагаа үргэлжилж байна. Үлдсэн нисгэгчгүй онгоцууд Орос руу ниссэн. Оросын талын хангасан мэдээллээс харахад эдгээр объектийг Оросын Ярославль хотын ойролцоо буудан унагасан гэв.