Долдугаар сарын сүүлчээр Саудын Араб 2034 оны дэлхийн аварга шалгаруулах тэмцээний зохион байгуулах тухай бичиг баримтаа Олон улсын хөлбөмбөгийн холбоо \FIFA\-д албан ёсоор дэвшүүлсэн юм. 2034 оны дэлхийн аварга шалгаруулах тэмцээнийг зохион байгуулахын тулд Саудын Араб томоохон хэмжээний цэнгэлдэх хүрээлэн барих төлөвлөгөөгөө саяхан зарлалаа. Үүнд шинээр баригдах Ирээдүйн шинэ хотод нэг талбай заалыг байгуулах бөгөөд газраас 300 гаруй метр өндөрт баригдах юм.

Саудын Арабын хөлбөмбөгийн албаны хүмүүсийн зарласан дэлхийн аварга шалгаруулах тэмцээний эхний ерөнхий төлөвлөгөөний дагуу, 2034 оны дэлхийн аварга шалгаруулах тэмцээний бүх уралдаан тэмцээн 15 цэнгэлдэх хүрээлэнд болох бөгөөд эдгээр талбай заал нь дор хаяж 45,000 хүний суудалтай юм байна.

Саудын Арабын нийслэл Эр-Рияд хотод 8 цэнгэлдэх хүрээлэн байгуулах бөгөөд өөр дөрвөн цэнгэлдэх хүрээлэнг Жидда хотод байгуулна.

Улаан тэнгисийн эрэг дэх Саудын Арабын Ирээдүйн шинэ хотын төсөлд 46 мянган хүний багтаамжтай цэнгэлдэх хүрээлэн багтжээ. Эдгээр цэнгэлдэх хүрээлэн нь дэлхийн хамгийн алдартай барилгуудын нэг болоосой хэмээн хүлээлт тавьж байна.