Орон нутгийн цагаар 8-р сарын 17-нд НҮБ-ын Ерөнхий нарийн бичгийн дарга Антонио Гутерриш хэвлэлийн төлөөлөгчөөрөө дамжуулан мэдэгдэл хийж, Суданы засгийн газар Чад улстай залгаа хилийн боомтыг гурван сарын турш нээх шийдвэр гаргасанд сайшааж байгаагаа илэрхийлэв. Энэ нь Суданы Дарфур хотод өлсгөлөнд нэрвэгдсэн олон сая хүнд хүмүүнлэгийн тусламж үзүүлэх хамгийн шууд бөгөөд үр дүнтэй арга юм гэжээ.

Гутерриш онцлохдоо, Суданы талууд олон улсын хүмүүнлэгийн эрх зүй болон өмнө нь тохиролцсон арга хэмжээний дагуу хүмүүнлэгийн тусламж авах боломжийг дэмжиж, энгийн иргэдийг хамгаалах тодорхой бөгөөд тогтвортой арга хэмжээ авах ёстой. Хүмүүнлэгийн байгууллагууд Дарфур болон Суданы бусад нутагт тусламж хэрэгтэй байгаа бүх энгийн иргэдэд бүрэн, аюулгүй, саадгүй нэвтрэх боломжтой байх ёстой гэжээ.

Мөргөлдөөнийг зогсоож, Суданы ард түмний зовлон зүдгүүрийг намжаахад НҮБ холбогдох бүх талуудтай хамтран ажиллахад бэлэн байна гэж мэдэгдэлд дахин онцолжээ.

2023 оны 4-р сарын 15-нд нийслэл Хартум хотод Суданы зэвсэгт хүчин болон Суданы шуурхай тусламжийн хүчний хооронд зэвсэгт мөргөлдөөн гарч, улмаар дайн бусад бүс нутгийг хамарсан бөгөөд өнөөг хүртэл үргэлжилж байна.