Олон улсын атомын эрчим хүчний агентлагийн ерөнхий захирал Рафаэль Мариано Гросси орон нутгийн цагаар 13-ны өдөр хэлэхдээ, мөргөлдөөн үргэлжилсээр байгаа тул Украины цөмийн аюулгүй байдлын өнөөгийн байдал сул хэвээр байна. Олон улсын атомын эрчим хүчний агентлагийн ажилтан цөмийн цахилгаан станцуудын ойролцоо цэргийн ажиллагааны дуу чимээг сонссоор байна. Энэ сарын 7-нд энд нисгэгчгүй онгоцоор халдлага үйлдсэн тухай мэдээлсний дараа, Олон улсын атомын эрчим хүчний агентлагийн ажлын хэсэг энэ долоо хоногт Запорожьегийн цөмийн цахилгаан станцаас 4 километрийн зайд орших тээврийн цехэд нэвтрэхийг зөвшөөрсөн юм. Цехийн нэг дээвэрт гэмтэл гарсныг ажлын хэсэг олж харсан ч цөмийн аюулгүй байдалтай холбоотой ямар нэгэн эвдрэлийг одоогоор олж хараагүй байна.

Үүнээс гадна, ажлын хэсэг 4-р реакторын цогцолборын цахилгааны өрөө, багаж хэрэгслийн өрөө, хяналтын өрөө, 1, 2-р цогцолборын турбины өрөөнүүдэд мөн шалгалт хийсэн байна. Одоогоор Олон улсын атомын эрчим хүчний агентлаг Украины бүх цөмийн цахилгаан станцуудад ажлын хэсэг илгээгээд байна. Мөргөлдөөн үргэлжилж байгаа хэдий ч одоогоор цөмийн цахилгаан станцуудын цөмийн аюулгүй байдлыг хангасаар байна гэж тайланд дурджээ.