Гурван өдөр ажиллах "Хятадын Өвөр Монголын газар тариалан мал аж ахуйн машин техникийн 2009 оны үзэсгэлэн" 12-ны өдөр Хөх-хотод ажлаа эхэлсэн байна.

     Америкийн Тен Скуере олон улсын компани, Хятадын тракторын 1-р корпораци, Фотон Ловол олон улсын хүнд аж үйлдвэрийн хувьцаат хязгаардмал компани зэрэг дотоод гадаадын 100 орчим нэртэй аж ахуйн нэгжүүд оролцож байна.

     Энэ үзэсгэлэн нь Хятадын газар тариалан мал аж ахуйн машин техник худалдан авахад нөхвөр олгох бодлоготой уялдан, үйлдвэрлэх, борлуулах хоёр талын худалдаа үйлчилгээний орчин хангах бөгөөд шинэ техник, шинэ бүтээгдэхүүн танилцуулах хурал зохион байгуулж, аж ахуйн нэгжүүд болон тариалангийн салбарын удирдлагууд, малчид тариаланчид, тариалангийн машин хэрэглэгчид газар дээрээс нь солилцох зэрэг арга хэмжээ зохиож, Өвөр Монголын газар тариалан мал аж ахуйн хөгжилд тус нэмэр үзүүлэх юм. \Сарантуяа орчуулж, Пэрлаймаа хянав\