Х.Мандахбаяр: Энэ бол ядуурлыг бууруулах Хятад улсын арга туршлагыг сурвалжлах сайхан боломж юм
21-нд Бээжин хотод Монгол улсын Сэтгүүлчдийн нэгдсэн эвлэлийн ерөнхийлөгч Х.Мандахбаяр манай сэтгүүлчдэд өгсөн ярилцлагадаа: Монгол улсын сэтгүүлчдийн баг Хятад улсад долоо хоногийн айлчлал хийж, Хятад улсын ядуурлыг бууруулах ажилтай танилцан, ядуурлыг бууруулах бодлого, туршлагын тухай дэлгэрэнгүй мэдээлэх болно гэжээ.
Тэрээр: 20-26-нд Монгол улсын үндэсний болон Улаанбаатар хот, орон нутгийн радио, телевиз, сайт, сонин, сэтгүүлийн нийт 50 сэтгүүлч Хятад улсын ядуурлыг бууруулах ажилтай бүх талаар танилцаж, Төрийн зөвлөл, орон нутгийн захиргаа, аж ахуйн нэгжүүд янз бүрийн бодлого хэрэгжүүлж, ядуурлыг бууруулахаар тэмцэж буй байдалтай танилцан, Сьчуань, Гүйжөү зэрэг мужийн хөдөө нутгаар аялж, газар дээрээс нь мэдээ хүргэх төлөвлөгөөтэй байна гэжээ.
Энэ удаагийн аялал маань ядуурлыг бууруулах Хятад улсын бодлого, бодитоор хэрэгжиж буй байдлыг Монгол улсын иргэдэд бүх талаар дэлгэрэнгүй мэдээлэх сайхан боломж юм гэж Мандахбаяр онцоллоо.
Эх сурвалжийн мэдээлснээр, 2014 онд Хятад улсын дарга Ши Жиньпин Монгол улсад айлчлахдаа, 5 жилийн хугацаанд Монголын 250 сэтгүүлчийг Хятад улсад айлчлуулна хэмээн дурдсан юм. Үүний дагуу өнгөрсөн гурван жил Монголын 150 сэтгүүлч Хятад улсад айлчилсан байна.
Сэтгүүлч Сарантуяа, Хүчитбаатар мэдээлэв.