"ХКН-ын XIX их хурал"-ыг таницуулах бага хурал болов
МУ-ын Засгийн газрын Хэрэг эрхлэх газрын урилгаар ХКН-ын Төв Хорооны дэрэгдэх Намын Сургуулийн байнгын дэд захирал Хэ Итин тэргүүтэй ХКН, Засгийн газрын төлөөлөгчид 11-р сарын 19-21-нд МУ-д айлчлал хийж байгаа бөгөөд 20-нд МУ-ын нийслэл Улаанбаатар хот дахь Шангрила зочид буудлын хурлын танхимд "ХКН-ын ХIХ их хурал"-ыг таницуулах бага хурал зохион явууллаа.
МУ-д Хятадын хэргийг түр хамаарагч Ян Чиндүн бага хурлыг даргалж, ХКН-ын Төв хорооны дэрэгдэх Намын сургуулийн байнгын дэд захирал Хэ Итин үг хэлсэн байна.
Хэ Итин юуны өмнө бага хуралд хүрэлцэн ирж оролцож буй бүх зочдод хандан мэндчилгээ дэвшүүлж, талархал илэрхийжээ. Тэрээр: ХКН, Засгийн газрын төлөөлөгчид бид ХКН-ын XIX их хурлын байдлыг МУ-ын анд нөхдөдөө танилцуулж, хоёр талын харилцан ойлголцлыг нэмэгдүүлэн, хоёр орны хамтын ажиллагааг улам гүнзгийрүүлэх зорилгоор энэ айлчлалаа хийж байна гэж тэмлэглээд, ХКН-ын XIX их хурлын гол гол ололт амжилтыг зургаан талаас дэлгэрэнгүй танилцуулж, найрсаг дотно байдалд МУ-ын талын зочидтой санал бодлоо гүнзгий солилцон, ХКН-ын баримталж буй үндэсний аюулгүй байдал, гадаад бодлого, гадаад худалдаа, хөдөө аж ахуй, хүнсний аюулгүй байдал, боловсрол, шинжлэх ухаан технологийн хөгжил, байгаль орчныг хамгаалах, "Нэг бүс, нэг зам" санаачилга , дэлхийн энх тайванг хамгаалах "Хятадын загвар" ，Зүүн Хойд Азийн хамтын ажиллагаа, аюулгүй байдал зэрэг олон салбар дахь бодлого чиглэл, зорилтыг хамарсан асуудлаар тэдний сонирхсон асуултад хариулав.
20-нд болсон энэ бага хуралд МУ-ын Засгийн газрын Хэрэг эрхлэх газар, Иргэний Зориг-Ногоон нам, Үндэстэний ардчтлсан нам, Монгол ардын хувьсгалт нам, Ардчилсан нам, МУ-ын Засгийн газрын байгууллагууд, УИХ-ын Байнгын хороодын холбогдох албаны хүмүүс, МУ-ын Хятад судлаачид, МУ-ын ШУА, МУ-ын их дээд сургуулиудын төлөөлөл, БНХАУ-аас МУ-д суугаа Элчин сайдын яамны дипломат ажилтнууд, МУ дахь Хятадын хөрөнгө оруулалттай аж ахуйн нэгж, МУ дахь Хятадын харьяат нарын төлөөлөл, мөн Хятад улсаас МУ-д суугаа сэтгүүлчид зэрэг 200 шахам хүн оролцсон байна.
/ХОУР-аас МУ-д суугаа сэтгүүлч О.Дарамбазар мэдээлэв/