Хятадын олон улсын кино телевизийн нэвтрүүлгийн XV үзэсгэлэн болов

Тус үзэсгэлэнг Хятадын төв радио телевиз “шинэ эрин үе, шинэ бүтээмж, шинэ хуудас" уриан дор зохион байгуулж байна.

Сүүлийн жилүүдэд Хятадын олон улсын кино телевизийн нэвтрүүлгийн үзэсгэлэн Азийн бүс нутгийн хамгийн өргөн цар хүрээтэй кино телевизийн нэвтрүүлгийн үзэсгэлэн болжээ. Энэ үзэсгэлэн 3 хоног үргэлжлэх бөгөөд 20 мянган ам дөрвөлжин метр талбайд 50 гаруй орон, бүс нутгаас хүрэлцэн ирсэн 300 гаруй компани оролцож байна. Үзэсгэлэнд 80 мянган анги кино телевизийн бүтээл тавигдсанд гадаад дотоодын телевизийн олон ангит кино, уран сайхны кино, баримтат кино, хүүхэлдэйн кино, телевизийн программ багтжээ. 

Үүнээс гадна, тус үзэсгэлэн мөн "тоо баримтын хүч-нэвтрүүлгийн хэмжилт, үнэ өртгийн судалгааны форум”, "Хятадын кино телевизийн бүтээлийн дээд чуулга уулзалт-2018” зэрэг олон арга хэмжээ зохион байгуулж, телевизийн нэвтрүүлгийн судалгааны жилийн тайлангаа нийтлэх болно.