Шиньжян цэцэглэн хөгжиж байна

2017 оны бүх Хятадын хоёр чуулганд, Ши Жиньпин дарга Шиньжяны төлөөлөгчдийн хянан хэлэлцүүлэгт оролцохдоо: Нийгмийн тогтвортой байдал, урт хугацааны амар амгалан байдлыг бий болгох зорилтын дагуу эв санаа нэгтэй, эвсэг зохицонгуй, цэцэглэн хөгжсөн, баян чинээлэг, соёл иргэншилтэй, амар амгалан, аз жаргалтай, Хятадын онцлогтой социалист Шиньжяныг байгуулахын төлөө хичээн зүтгэх хэрэгтэй гэжээ. Ши Жиньпин даргын шаардлагын дагуу, ерөнхий зорилтоо биелүүлэхийн төлөө ШУӨЗО олон арга хэмжээ авч хөгжлийн шинэ байдал бий болгоод байна.

Шиньжяны Цэлэ шяний Башиюйжимай тосгоны иргэд чавгаа хурааж байлаа. Тус тосгон засгийн газрын тэтгэлгээр хоёр жилийн дотор тариалангийн бүтцээ зохицуулж, ноднин хүн бүрийн цэвэр ашиг анх удаа 8000 гаруй юаньд хүрч, энэ жил тус тосгон ядуурлаас бүрэн ангижирсан байна.

Цэлэ шяний Баши-Юйжимай тосгоны иргэн Майтушин Майтируз: Урьд эрдэнэ шиш, тутарга тарьж 0.3 га газраас 800 юанийн орлого олж байсан бол одоо 4500 юанийн орлого олдог болсон гэжээ.

Шиньжяны ядуурлаас ангижруулах үүрэг асар хүнд юм. 2017 оны 3-р сарын 10-нд Ши Жиньпин дарга XII сонгуулийн Бүх Хятадын АТИХ-ын X чуулганы Шиньжяны төлөөлөгчдийн хянан хэлэлцүүлэгт оролцохдоо: Шиньжян ядуурлаас ангижруулах бодлогыг бүх талаар хэрэгжүүлж, олон үндэстний ард түмний амьдралыг улам сайн сайхан болгох хэрэгтэй гэж цохон тэмдэглэжээ. Ши Жиньпин даргын шаардлагын дагуу ШУӨЗО өмнөд нутгийн 4 жөүгийн ядуу бүсээр гол болгон ядуурлаас ангижруулах ажлыг эрчтэй хийсэн байна.

ШУӨЗО-ны Ядуурлыг бууруулах албаны орлогч дарга Чэнь Лэй: Хүчээ нэгтгэн, ядуурлаас ангижруулах ажлыг сайтар хийж, дахин ядуурах, ядуу хүн ам шинээр нэмэгдэхгүй байхыг баталгаажуулбал сая Ши Жиньпин даргын тавьсан ядуурлаас ангижруулахад нэг ч хүнийг орхигдуулж болохгүй гэсэн шаардлагыг хэрэгжүүлж чадна гэжээ.

2017 онд ШУӨЗО 1 сая 120 мянган боловсон хүчнийг тосгонд томилон ядуурлыг бууруулах ажил хариуцуулж, олон үндэстний анхан шатны 1 сая 690 мянган өрхтэй холбоо тогтоон, хөнгөлөлттэй бодлого хэрэгжүүлж, ядуурлыг бууруулсан юм. Тэдний нэг нь Шаачэ шяний Тактакрук тосгонд шувуу үржүүлэх хоршоолол байгуулж, тус тосгоны ядуу амьдралтай 17 хүнийг ажилтай болгосон байна.

Шаачэ шяний Тактакрук тосгоны иргэн Бужнайт Надир: Хоршооллоос бидэнд тагтааг үнэ төлбөргүй өгч, тэжээж үржүүлэх аргыг зааж сургасан. Бидний үржүүлсэн тагтаа, өндгийг хоршоолол нэгдсэн журмаар борлуулдаг юм гэжээ.

ШУӨЗО ядуурлаас ангижруулахаас гадна, чансаатай хөгжлийг ихээд чухалчилж байна. Ши Жиньпин даргын шаардлагаар, экологийн орчны хамгаалалтыг эрчимжүүлж, бохирдлоос сэргийлэн, цөлжилтөөс сэргийлэн засах ажлыг эрчтэй хийж, Шиньжян нутгийг улам үзэсгэлэнтэй сайхан болгохоор хичээн зүтгэж байна.

Ши Жиньпин даргын шаардлагын дагуу, ШУӨЗО сүүлийн хоёр жил экологийн бүтээн байгуулалт хийж бахдам амжилт гаргасан юм. Нийт 660 мянган га цөлжсөн талбайг засан сайжруулж, 33 мянган га талбайг ойжуулсан байна. Манасын ус намгархаг газар, Илийн ус намгархаг газар хүрээгээ тэлсний үр шимээр тогоруу зэрэг нүүдлийн олон шувууд тэнд нутагшжээ. Энэ жилийн цагаан сараар ШУӨЗО 3 сая жуулчин хүлээн авч, түүхэн дээд рекорд тогтоосон байна.

Энэ онд ШУӨЗО 12 тосгон, 606.1 мянган хүнийг ядуурлаас ангижруулсан бөгөөд үүний зэрэгцээ энэ онд хүлээн авах гадаад дотоодын жуулчныг 40 хувиар нэмэгдүүлэх зорилт тавин ажиллаж байна.