Хаврын мод тарих үйл ажиллагаа зохиов
16-нд Өвөр Монголын Шилийнгол аймгийн Хөвөөтшар хошууны Ахмадын холбоо тус хошууны Богдын гол сумын Элстэй гацаанд мод тарих сайн дурын үйл ажиллагаа зохион байгууллаа. Энэ удаад Хөвөөтшар хошууны Ахмадын холбооны арав гаруй гишүүн Элстэй гацааны малчин Бөхбаатарын нутаг дахь Гуун-Ус хэмээх газар улиас, цагаан бут тарьж, байгаль дэлхийгээ ногооруулах аянд идэвхтэй нэгджээ.
Энд Бөхбаатарын өвөөгийн үе буюу 1960-аад онд мод тарьж эхэлсэн юм. Тэр үед Бөхбаатарын өвөө Алтангэрэл багийн дарга байхдаа нутгийн малчдаа дагуулан мод тарьж, эх нутгаа ногооруулж байжээ. Энэ удаад Хөвөөтшар хошууны Ахмадын холбоо малчин Бөхбаатарын нутагт улиас, цагаан бут зэрэг ганд даацтай бутлаг ургамал, мод тарьжээ. Хойшид тус холбооны гишүүд тарьсан мод, ургамлаа усалж арчлах бүх ажлыг хариуцах бөгөөд мод тарих сайн дурын үйл ажиллагааг жил бүр уламжлал болгон зохион байгуулахаар төлөвлөж байна.
Сэтгүүлч Хасмөчир мэдээлэв