Дэлхийд оношлогдсон тохиолдол 13 саяаас давав

Синьхуа агентлагийн мэдээ: 13-нд Америкийн Жонс Хопкинсийн их сургуулийн нийтэлсэн COVID-19 цар тахлын статистик бүртгэлээс үзэхэд, Америкийн зүүн нутгийн цагаар 13-ны 16 цаг 34 минут хүртэлх байдлаар дэлхийн хэмжээнд COVID-19 цар тахлын халдвар авснаар оношлогдсон тохиолдол 13,006,764-д хүрч, нийт 570,776 өвчтөн нас баржээ.

Тоо бүртгэлээс үзэхэд АНУ бол дэлхийд цар тахлын халдвараар хамгийн ноцтой улс орон хэвээр байна. Тус улсад нийт 3,346,246 хүн халдвар авснаар оношлогдож, нийт 135,477 өвчтөн нас баржээ. Бразил улсад оношлогдсон тохиолдол 1,864,681-д хүрч, 72100 өвчтөн нас барсан байна. Энэтхэг улсад нийт 878,254 хүн халдвар авснаар оношлогдож, ОХУ-д нийт 732,547 тохиолдол халдвар авснаар оношлогджээ.