Юань гүрний Дээд нийслэл Шанд хот

ХОУР-гийн мэдээ: Дэлгэр зуны долдугаар сард нар хур тэгширч, Шанд голын хөндийн алтанлянхуа цэцэг дэлгэрэн, шувууд босон суун жиргэсэн үзэсгэлэн төгөлдөр Шандын шар талд Юань гүрний Дээд нийслэлийн туурь зовлон жаргалаа хүүрнэх мэт...

Шулуунхөх хошууны төв Шандаас зүүн хойш 20 орчим км зайд Юань гүрний дээд нийслэл Шанд хотын туурь бий. Шанд хот бол Их хааны зуны орд, Хубилай хааны 13-р зуунд Умард нутагт байгуулсан хот, Юань гүрний хоёр их нийслэлийн нэг юм. Шанд хот Дайду хотын хамт Юань гүрний улс төр, эдийн засаг, цэрэг дайн, соёлын төв, тухайн үеийн дэлхийн томоохон хотын нэг байжээ.

Марко Поло аяллын тэмдэглэлдээ: Юань улсын Дээд нийслэлийг “Дорнын гайхамшиг” хэмээснийг Европчууд дундад зууны үед шагшиж байсан гэдэг.  

Шанд хотын туурийг 2016 оны 6-р сард "Дэлхийн өв"-д бүртгэж авсан байна.

Дүүрэнжаргал орчуулав