Баруун цастын халх ястнууд овоогоо тахиж эхэллээ

Хятадын баруун бүсийн Ганьсү мужид баруун цастын халх ястнууд амьдарч байгаа сум байна гэж та сонсож байсан уу?

Ганьсү мужийн Жан Е хотод Баян, Пиншаньхү хэмээх хоёр суманд 1000 хүрэхгүй тооны монголчууд аж төрдөг. Тэднийг хүмүүс дээд монголчууд буюу Сүбэй нутгийн цастын монголчуудтай ташаарах нь ч буй.

Цастын халх ястан мань цөөхүүлээ ч гэсэн хэл соёлоо орхилгүй, уламжлалт мал аж ахуйгаа хөгжүүлсээр иржээ.

Жил болгоны билгийн тооллын 4-р сарын 26-наас цастын халх ястнууд овоон тахилга болж, эрийн гурван наадам зохиогдож, уухай гийнгоо хангинуулан, уул ус, навдаг савдагтаа залбирч даатгана.