Энэ жил Орост "Хятадын жил"-ийн арга хэмжээ зохиогдож байна. "Хятадын жил"-ийн ажлын хүрээнд Хятадын мэдээллийн төв 14-ний өдөр Москвад үйл ажиллагаагаа албан ёсоор эхлүүлэв. Хятадын Төрийн зөвлөлийн Хэвлэл мэдээллийн газрын орлогч дарга Чянь Шяочянь, Оросын Хэвлэл хийгээд Олон нийтийн хэвлэл мэдээллийн хэрэгслийн газрын дарга Сеславенски энэ мэдээллийн төвийн үйл ажиллагааг хамтаар нээв.

     Хятадын Төрийн Зөвлөлийн Хэвлэл Мэдээллийн Газрын орлогч дарга Чянь Шяочянь энэ ёслол дээр хэлэхдээ, Хятад, Орос харилцан улсын жилийн арга хэмжээ зохиож байгаа нь хоёр орны харилцааны түүхэн дэх маш чухал ач холбогдолтой үйл хэрэг юм. Өнгөрсөн онд Хятадад зохиогдсон "Оросын жил" болон энэ жил Орост зохиогдох "Хятадын жил"-н баялаг сайхан агуулгатай арга хэмжээгээр дамжуулан хоёр ард түмэн хоорондын ойлголцлыг гүнзгийрүүлэн, хоёр орны найрсаг харилцааг бүх талаар хөгжүүлж, Хятад, Орос хоёр орны стратегийн хамтын ажиллагааны түншийн харилцааны гүн зузаан үндэс суурийг цаашид бэхжүүлэх талаар үүрэг гүйцэтгэсэн юм, мөн үргэлжлэн гүйцэтгэх болно гэжээ.

      Тэрээр хэлэхдээ, Хятадын мэдээллийн төв байгуулагдсан явдал нь Хятад, Оросын хэвлэл мэдээллийн хэрэгслүүд Хятадын жилийн арга хэмжээг ойлгож мэдээлэхэд чухал боломж олгох нь гарцаагүй. Хятадын мэдээллийн төвийн үүрэг бол даруй хэвлэл мэдээллийн хэрэгслүүдийг мэдээллээр хангаж, сурвалжлах дөхөм нөхцөл бүрдүүлж, хоёр орны хэвлэл мэдээллийн хэрэгслүүдийн хамтын ажиллагааг хөгжүүлэх нөхцлийг хангах явдал юм гэжээ.