Аомэний найман vзэмжийн дотор гурван vзэмж нь шашинтай холбоотой, Ма гэ миао сvм бол даруй тэдгээрийн доторхи нэг нь юм.

    Урьдаар Ма гэ миао сvм байж, дараа нь сая Аомэн би болсон гэж хуучны хvмvvс ярьдаг юм. Аомэн дєрвєн зуу гаруйхан жилийн тvvхтэй байхад, Ма гэ миао сvм харин таван зуу гаруй жилийн тvvхтэй болж байгаа юм. Тэр ч мєртєє Макао гэдэг нэр нь ч Ма гэтэй холбоотой аж. Аомэний тvvх шастарт тэмдэглэснийг vзвэл, Португальчууд анх Хятадад ирэхдээ Аомэнээр хуурайд гарчээ. Тэд нар нутгийн хvмvvсээс: энэ чинь ямар газар юм вэ? Гэж асуусанд, нутгийн хvмvvс нь Ма гэ миао сvмийг асууж байгаа байх гэж бодоод, Ма гэ гэж хэлж єгч гэнээ. Тэгсэнд энэ нь Аомэний газрын нэр юм байна гэж Португаличууд ойлгож, Португаличууд Аомэнийг Макао гэж нэрлэх болсон юм байжээ.

    Ма гэ миао сvм уулын энгэрт, тэнгисийг нvvрлэн байрлаж, сvмийн эргэн тойрноор євгєн модод ягцран, єнгє vзэмж нь этгээд сайхан юм. Хятадын дотор газрын сvм хийдvvдтэй адил Ма гэ миао сvмд ч том дуган, чулуун дуган, арьяабалын дуган, тэнгэрийн сахиулсны дуган зэрэг дєрвєг гол барилгатай.Энэ сvмийн гол хаалганы хоёр талд нь чулуун арслан сэхvйж, угалзан саравчит дээвэр нь ургах нарнаа гялалзаж, Хятадын эртний сvм хийдийн хэв намбааг гайхуулна.

    Уг сvмийн шашны vйл ажиллагаа нь тэр чигээрээ Хятадын уламжлалт зан vйлийн дагуу явагдана. Жил болгоны хаврын баяр- цагаан сарын vеэр болон тэнгэрийн сахиулсны мэндэлсэн тэр хэдэн єдєрт энэ сvмд зул хvж асаж, эргэлчин мєргєлчид олширдог юм. Энэ vеэр та хэрэв олон хvмvvсийг даган сvмд орж vзэх юм бол, орчин vеийн ганган хувцастай маш олон хvн бурханд мєргєж байх нь харагдана. Уулын хяр дээр байрласан тэнгэрийн сахиулсны дуганд мєргєлчид нэн ч олон байдаг.

    Тэнгэрийн сахиулсны дуганд хvмvvсийн ярьдаг Ма зvvг тахиж байна. Ма зv бол Хятадын Фvжиань, Гуандунгийн тэнгисийн эрэг дагуу нутгалж суудаг ард олны нийдэм шvтэж байдаг загасны онгоцыг хамгаалдаг дагина юм.Мянга гаруй жилийн ємнє мэндэлсэн Лин овогтой энэ дагина бол Фvжианы Фv тианы хvн гэсэн уламжлал яриа байдаг. Тэрбээр хархан багаасаа маш цэцэн сэргэлэн хvvхэд байжээ. Ерєєл бэлгэдэл, ёрво нигvvлийн учралыг урьдаас зvгнэн мэддэг тєдийгvй єсч том болсныхаа дараа мах тос идэхгvй саюу явж, насан туршаа хvнд мордсонгvй. Тvvний гэрийн ахмад нар нь далайд гарч, салхин давалгаанд дайрагдахад хvрвэл, энэ охин нvдээ анин залбиран даатгаж, ах нараа авардаг гэнээ. Энэ дагина хэдийгээр хvний ертєнцєд хорин наймхан жил амьдарсан хэдий ч насан єєд болсон хойноо мєн далай дээр олон удаа илэрч, усан онгоцыг аварж байсан болохоор, далайд гарч загас агнах хvмvvс, тvvнийг загасчдын амар амгаланг хамгаалагч тэнгисийн шvтгээн болгон дээдлэн тахих болжээ. Аомэнд дагинын сvм олон байна. Саяын танилцуулсан Ма гэгийн сvм нь Фvжианы хvмvvстэй холбоотой юм.

    Одоогоос гурван зуугаруй жилийн ємнєх Мин гvрний vед, Фvжианы хvмvvс усан онгоцонд суугаад Аомэн хvрхээр мордсон юм байна. Тэхэд нэгэн дагина хєгшны дvрд хувьлан тэдэнтэй хамт явснаар хэдэн мянган газрын хот Аомэнд ганц шєнийн хооронд хvрч очсон юм байна. Тэр газар нь даруй Ма гэ миао сvмийн байгаа газар аж. Энэ бол бурхан сахиулсны рид шидэт газар мєн гэж сэтгэсэн Фvжианы эдгээр хvмvvс тухайн орон нутгийн хvмvvстэй зєвдєлцєж, мєнгє тєгрєг цуглуулан, энэ газарт сvм хийдбайгуулаад дагина эхийг тахьсан байжээ.

    Єєр нэгэн домог vлгэрт яригдаж байгаагаас vзвэл, таван зуу гаруй жилийн тэртээ, Фvжианы нэгэн том усан онгоц далайн их салхинд хийсч, одоогийн Аомэнд хvрчээ. Yхэж сэхэх амь насны зангилгын vед, далай дээр гэнт улаан цамцтай эмэгтэй хvн гарч ирсэнд далайн их салхи доороо намдаж, усан онгоц дээрэхь бvх хvмvvс аюулаас зайлж чадсан юм гэнээ. Сvvлээр нь хvмvvс Ма гэ гэсэн энэ газарт дагинын сvм байгуулсан юм байна.

    Он удаан таван зуун жил єнгрєн одлоо. Ма гэ миао сvмийн тухай олон сайхан домог vлгэр яригдаж байдаг нь энэ сvмд бахархалт сайхан гэрэл гялбаа нэмсээр байна. Эдгээр он жилvvдэд, Аомэний хамгийн эртний барилгын нэг болсон Ма гэ миао сvм нь Аомэнд суугаа Хятадын оршин суугчдын оюун санааны тvшиг болсон тєдийгvй Хятадын соёлын Аомэн дэхь гол дvр тєрх болсон учраас єрнєдийн хvмvvсийн сонирхлыг ч адилхан татаж байдаг. Хятадчуудын сvжиглэн даатгадаг загасчдын сvжиглэн даатгадаг аврагч сахиулсан ганц Ма зvгээр зогсохгvй ч гэсэн Ма зv бол хамаг эртний мєртєє хамгаас чухал шvтгээн нь юм. Хятадын хvн ардын зан vйл, ардын шашин шvтлэг, тэнгисээр аялсан тvvх, Хятадын харьяатын тvvх аль нь ч Ма зvтэй холбоотой. Ма зv шvтгээнийг шvтэж, тvvнийг судлах нь єєрийн гэсэн євєрмєц онцлогтой Ма зvгийн соёлыг бvрэлдvvлсэн байна.

     Газар зvйн байрлалаас нь авч vзвэл, Хятадчvvдийн дотор ємнєд тэнгисийн эрэг дагуу олон мужийнхан голцуу Ма зv дагиныг шvтнэ.Ялангуйяа Ма зvгийн тєрлєх нутаг Фvжианд маш олон хvн ма зvvг шvтнэ. Хятадын хамаг эртний Ма зv миао сvм бол даруй Пvтианы Мэй жєv дэхь Ма зv миао сvм юм.Энэ сvм мянга гаруй жил хvж зулаа бадрааж ирснээрээ Ма зvгийн тахилгын эх vvсвэр нь болж байна.

    Сая та бvхэнд Аомэн дэхь Ма гэ миао сvм болон Хятадын Ма зv соёлын тухай танилцууллаа.