Хятадын олон шашны дотроос Буддын шашин хамгаас олон сvжигтэнтэй байдаг учраас Хятад оронд ирж жуулчласан хvмvvс уул усны єнгє vзэмжтэй, алдарт хайрхан уудам хєндийн хаа гэсэнгvй зуун жилийн тvvхтэй буюу цаашлавалмянган жилийн тvvхтэй эртний сvм хийдэд жvн хонх хvнгнэн, бvрээ бишгvvрийн жингинэм дуу гарч байгааг зvндээ сонсдог юм.

    Лин ин си хийд Хятадын Жээжиан мужийн Ханжєv хотын зvvн ємнє, алдарт Ши хуу нуурын дэргэд байрлаж байна. Лин ин си хийдийн дэргэд " нисэн ирэгч оргил" буюу Фэй лай фэн оргил байрлаж байдаг юм. Лин ин си хийдийн тухай ярьхад урьдаар Фэй лай фэн оргилын ирэлтийн тухай хучлах хэрэгтэй боллоо.

    Нисэн ирэгч оргил буюу Фэй лай фэн оргилын нэр нь нэгэн хуушан шинэ бэр булаасан явдалтай холбоотой юм байжээ.

    Жидан богд бол тХятадын эртний алдарт хуушан хvн. Тэрбээр Лин ин сийд хуушан болсон бєгєєд номын нэр нь До жи гэдэг юм. Гэлээ ч ардууд Жидан богд хэмээн нэрлэдэг байлаа. Жидан богд буян нигvvлсэнгvйн улмаар хаа газар очсон ч тэндэх хvн ардын гаслан зовлонг арилгаж, аз жаргал авчирч єгдєг гэнээ. Уламжлал ярианаас vзэхэд, Жидан богд маш мэргэн тvлэгчин байжээ. Алсаас нэгэн оргил нисэн буух гэж байна гэж нэгэн єдєр тvvний тvлэгт буужээ.Нисэн буух уулан оргил амьтан хvнийг дарж алахаас сэргийлэн Жидан богд айл тосгоноор явж, ард олныг хуртхан эндээс зайл гэж ятгасан гэнээ. Жидан богд энгийн цагтаа хий солиотой шиг залран, хvн хараар элэг доог хийх дуртай байдгыг тосгоны ардууд мэддэг тул бас л биднээрээ тоглож байх гэж бодож, тvvний ятгалыг хэн нь ч сонссонгvй.Уулан оргил агшнаа нисэн буух гэж байгаа зангилаагын vед, Жидан богд сандран аргагvй болохдоо шинэ бэр буулгасан нэгэн айлд давхин орж, тэнгэр бурханд мєргєж байсан шинэ бэрийг нь vvрээд гадагш гvйсэн гэнээ. Шинэ бэрийг нь лам хуушан булаан одсоныг тосгоны хvмvvс хараад бvгдээрээ араас нь нэхэн оджээ. Хvмvvс хуушангыг нэхэн тууж явтал, гэнт аянга нижигнэн салхи шуугиж, тэнгэр газар харангуйлан, нvр нvр гэсэн нvсэр их дуу гарахын хирээр асар том уулан оргил Лин ин си хийдийн дэргэд нисэн бууж, бvх тосгоныг нь няц дарсан юм гэнээ. Энэ vе хvмvvс сая Жидан богдын шинэ бэр булаасан нь тосгоны ардыг аврахын тєлєє байсныг ухаарч, энэхvv оргилыг нисэн буусан оргил буюу Фэй лай фэн оргил гэж нэрлэсэн байна.

    Фэй лай фэн оргилыг Лин жиv фэн оргил гэж ч нэрлэдэг. Уулын єндєр нь 168 метр ч хvрэхгvй байтлаа хачин жигтэй хад чулуу архайн сархайж, эртний євгєн модод ханаран, оронго зэл vргэлжлэн, агуй залга энд тэндгvй онгойн, ёстой л алхам бvрд vзэмж солигдон, жулчдад асар том vзмэрийн ертєнцєд орсон шиг санагдуулах юм. Уулан дээр нь бас Таван тєр, Сvн, Юань гvрний vеийн бурханы шуумал хєрєг гурван зуу гаруй ширхэг байдгаараа Хятадын ємнєд нутагт ховорхон дохиолдох эртний чулуун агуйн урлагын сан болсон юм. Тэдгээр бурхадын дотор том гэдэстэй, мєшєєнгvй царайтай Арьяабал бурхан хvмvvст хамгаас таашаагдаж байдаг. Чулуугаар сийлсэн энэ бурханыг одоогоос мянга гаруй жилийн ємнє Хятадын Сvн улсын vед бvтээсэн юм байна. Арьяабал бурханы хазуу талд нь арван найман ахуйн шvтгээнийг чулуугаар сийлэн бvтээжээ.

    Фэй лай фэн оргилын хормойд Ли гvний суврагатай. Тус суврагыг энэ уулын навдаг шавдаг Хvй Ли хуушанг дурсгахын тєлєє байгуулсан байжээ.Хятадын Жин улсын vед, даруй мянга зургаан зуу гаруй жилийн ємнє Энэтхэгийн хэргэмтэн лам Хvй Ли, Лин жиv фэн оргилд ирж, энэ газрыг навдаг шавдагтай нутаг гэж vзээд нутагшиж, Лин ин си хийдийг байгуулан, уг сvмийн хамаг анхны хамб лам болсон юм байна.

    Лин ин си хийд нь налайн vргэлжлэсэн хєвчин ойн дунд далдлагдан байрлажээ. Фэй лай фэн оргил дээр гарч, доош Лин ин си хийдийг харахад, энэ сvм манан хvдэнд бvртэлзэн маш нам сэлvvхэн байдалтай.

    Хvжийн утаа суунагласан энэ сvмд биднийг ороход хэдийгээр тэнгэр бvрхийж бороо шивэрч байсан ч жуулчид мєн л тун олон харагдаж, тэдний дотор Хятадын олон газраас ирсэн, цаашлавал зvvн ємнєд Азийн орноос ирсэн мєргєлчид ч цєєн бус байлаа.

    Лин ин си хийдийн дотор нэгэн шинэ барилга байгаа нь даруй сvжигтэн мєргєлчдийн хандвын мєнгєєр байгуулсан аршын ордон болох юм. Энэ дуган дахь таван зуун арш нь том жижиг, янз тєрх, царайн тєлвєєрєє єєр єєрийн онцлогтой тєдийгvй гартаа барьсан номын зэвсгvvд нь ч адилгvй.

    Сая та бvхэнд Фэй лай фэ оргил болон Лин ин си хийдийг танилцууллаа.