Ши Шу уул нь уран бичлэгийн багш байжээ. 1985 онд дунд сургуулийн багшийн ажлаа хаяад, Бээжинд хvрч ирээд хэдэн найз нарын хамт "бvх Хятадын усан бийрийн уран бичлэгийн vзэсгэлэн"-г ажиллуулаад, хvмvvсийн анхаарлыг татахуйц нэр хvндтэй хvн болсон ажээ. Тvvнээс хойш тэрээр захиагаар сургах сургууль байгуулж, єєрийн эрдэм чадвараар уламжлаж эхэлсэн юм.

    Ши Шу багшлах,заах сургалтаараа олж хурамтлуулсан хэдэн мєнгєєрєє Бээжинд номын дэлгvvр гаргаж, номын захын ажил тєрєлд орсон юм.

    1997 он Ши Шу сvлжээ дэлгvvр гаргаж, азаа туршсанд тэр нь ганцхан жилийн хооронд зуу гаруй салбартай болж єргєжєєд, дараа нь веб сайт сvлжээгээр ажиллах болж хєгжvvлээд, зургаан зуу гаруй сvлжээ дэлгvvртэй болж, тэр нь тєрийн ємчийн Синьхуа номын дэлгvvрийн дараа хамгийн том сvлжээ дэлгvvр болж єргєжсєн байна. Ингэснээр тэр Хятадад хувийн номын дэлгvvр ажиллуулсан хамгийн том хvн болж чадсан юм. Энэ тухай тэр єєрийгєє хамгийн аятай цаг хугацаанд хамгийн их боломж тохиолыг олсон хvн гэж vздэг юм байна.
Ном бичгийн салбарт ажил vйлс бvтээснийхээ дараа, "сайн ном" хэмээх сэтгvvл эрхлэж, бас уншигчдынхаа клубын гишvvдийнхээ нягтралыг эрчимжvvлэхийн тєлєє зуу гаруй мэргэжлийн хvмvvсээс бvрэлдсэн мэргэжилтний удирдах систем байгуулж, ном бичиг танилцуулах ажил хийлгэж байгаа ажээ.

    Бага сургуулийн багш байсан хvн сvлжээ номын дэлгvvр эрхлэх болсон гэхэд нэг л их сонин байгаа биз дээ. Тvvнийг хvсэл мєрєєдєл, дур сонирхол, ажил vйлс гурвыг уялдуулж чадсан хvн юм гэж олон хvн vнэлдэг юм.
Одоо ном бичиг миний амьдралд цайны давс шиг чухал зvйл болжээ. Ном бичиг vзэхгvй хvнд дэвшилт гэж байхгvй. Єєрчлєлт хєгжилтийг минут секундээр хэмжиж хэлэх болсон єнєєгийн эринд, заавал шинэ vзэл баримтлал, шинэ мэдлэгтэй байх хэрэгтэй. Тийм биш бол ямар ч юм бvтээж дийлэхгvй мєртєє нийгмээс хоцорч, хаягдахад хvрнэ гэж Ши Шу хэлж байлаа.

    Ши Шу одоогийнхоо амжилтанд сэтгэл ханаад зогсоогvй, хєгжим мэдээлэл, кино, телевизийн салбаруудад оролцож, соёлын хєгжилийн єнєєгийн аятай сайхан орчинд нэн их амжилт гаргах зvгт тэмvvлсээр байна.