Одоо та бvхэнд Хуан шан уулын ижил хос – тайпин нуурыг танилцуулъяа.

    Хуан шан уулнаа хvрсэн хvн болгон Тайпинхуу нуурын тухай ярих нь олон байдаг. Энэ нуур Хуан шан уулнаас ємнєш, Жиv хуа шан уулын зvvн талд зэргэлдээ байрлаж байдаг болохоор Хуан шан уулнаас Жиv хуа шан ууланд хvрэхэд заавалтэр нуураар єнгєрдєг юм.

    Тайпинхуу нуур бол манай орны дорнод нутагт байрладаг Ан хуй мужийн хамгаас том цэнгэг уст зохиомол нуур юм.Энэ нуур наян найман ам дєрвєлжин км талбайтай, усны дундаж гvvний хэмжээ нь дєчин метр байж, хамаг гvvн хэсэгтээ дал гаруй метр гvvн байна. Хорь гаруй жилийн ємнє энд тухайн газрын тариачид нутаглаж байсан юм. Засгийн газрын бvтээн байгуулалтын шаардлагаар тариачид нvvснээс хойш энд усан сан байгуулсан юм. Энэ нь даруй одоогын Тайпинхуу нуур болно.

    Хуан шан ууланд жуулчласан жуулчид уулын оройгоос Тайпинхуу нуурын vзэмжийг бараалан, Тай пин хуу нуурт жуулчилж яваа жуулчид Хуан шан уулыг алсаас бараалан сонирхож болох учир Тай пин хуу нуур болон Хуан шан уул хоёрыг ижил хоёр гэж нэрлэдэг юм. Ан хvй мужийн Хуан шан хотын аялал жулчлалын албыг удирдах газрын хариуцлагатай ажилтан хэлэхдээ: Тай пин хуу нуур маш vзэсгэлэнтэй. Ийм нуур Женевд ч ховорхон гэж Женевд очиж єнгєрсєн хvмvvс ярьдаг юм.

    Номин цэнхэр уулыг нарсан мод бvрхэж, тунгалаг устай Тай пин хуу нуур Хуан шан уулын энгэрт наалдан байрласнаараа яг л Хуан шан уулын амраг хонгор нь юм шиг сэтгэгдэл тєрvvлэх юм гэжээ. Тай пин хуу нуур аврага том оюун эрдэнэ шиг туналзаж, хvрсэн болгоны сэтгэлийг гижигдэнэ. Єцvvхэн ч хир тоосгvй усан болор шиг туналзаад, эргэн тойрных нь уул хєвч шаргалтан шижиртэж, газар болгонд тариа буудайн ангилуун vнэр ангилах нь ёстой л хvний ертєнцийн заргалын орон юм.

    Жуулчид тансаг сайхан гоёлсон жуулчлалын онгоцонд сууж, Тай пин хуу нуураар жугаацаж болох юм. Тайван аялах усан онгоцон дээр нам сууж сэтгэлийн чилээгээ тайлж явахад, цэвэр тунгалаг агаар сэнгинэн, сэтгэлийг сэргээж, алсад галуу шгувууны ганганалдах дуу дуулдахаар, ядрал зvдрэл доорхоноо тайлагдах юм. Танилцуулагчын хэлэхээр, Тай пин хуу нуурт том жижиг арал хойг, элсэн харгиа зэрэг олон сайхан vзэмжийн цэгтэй юм байна. Тэдгээрийн дотор цагаан дэглийн хойг бол жуулчдын сонирхлыг хамгаас татсан vзэмжит газар юм.

    Намрын шєнє жуулчид цагаан дэглийн хойгоор явж байгаад, дуг нойртоо байгаа цагаан дэглийг санаандгvй сэрээчих юм бол, тэдгээр хєєрхєн шувууд цугаараа хойгын хошуунд нисэн хvрч, жуулчдыг даган эргэлдэх нь хачин сонирхолтой байдаг. Цагаан дэглийн хойгт нуурын хєвєє дагуулан олон сайхан зуслангийн байшин байрлаж байна. Усны тvлхэлтийн vеэр жуулчид цагаан дэглийн хойгт загас гєхдєн суух нь ертєнцийн тоосноос тvр цаг ч гэсэн холдож,аливаа бохимдлыг тань доорхоноо мартагдуулна.

    Нуурын дундахь самжит аралд нарны гэрэл хангалттай, чийглэг сайхан уур амьсгалтай болохоор ой мод ягч сахлаг ургаж, зэрлэг гvзээлзгэнэ, туулайн бєєр, улаан, долоон зэрэг жимс элбэг ургасан байна. Эдгээр зэрлэг жимс ёстой л самжны амтат идээ гэсэн vг. Самжит арал дээр Хуан шан уулнаас авчирсан хэдэн арван охор сvvлт самжыг тэжээж байна. Эдгээр самж бол Хятадын улсын жиндааны хоёрдугаар зэргийн хамгаалалтад байгаа араатан амьтан юм. Энэ арал дээр эдгээр самж vржин тєлжиж, аятай сайхан амьдарч байна.

    Самжит аралд хvрсэн жуулчид самжинд юм єгч тэжээж болно. Тэд ч холоос жуулчдын гар дахь идэх юмийг нvд салгалгvй харж, хvмvvс ойртон очингуут, бєєгнєрч ирээд юм булаалдан идэчгээнэ. Харин гэдэс нь цатгалан байх юм бол модон салаан дээр залхууран хэвтэж, босох ч гvй байдаг.

    Та хэрэв намар цагт Тай пин хуу нуураар жуулчлан хvрвэл, нутгийн онц гаралтуудаас нь авч харьж болох юм. Энэ газар ургадаг Тай пин хєv кvй гэдэг цай бол Хятадын арван том нэртэй цайны нэг юм. Энэ цай аль эрт 1915 онд Панамд болсон олон улсын яармаг дээр алтан медаль авсан юм. Цэлгэр ногоон єнгєтєй, ангилам сайхан vнэртэй энэ цай бол зочин гийчин дайлах эрхэм ундаа мєн. Тай пин хуу нуурын нишинх шvvс ихтэй байдгаараа намар євєл идэх хамаг сайн жимс байгаа юм.