1616 оны 4-р сарын 23-ны єдєр, дэлхийн хоёр том мастер нэрт жvжгийн зохиолч Shakespeare болон нэрт зохиолч Miguel de Cervantes Saavedra энэ ертєнцєєс хамт нэгэн єдєр халин одсон билээ. Тvvнээс хойшхи 379 жилийн дараа 1995 онд НYБ-ын гэгээрэл боловсрол, шинжлэх ухаан, соёлын байгууллагаас 4-р сарын 23-ны єдрийг "Ном унших дэлхийн єдєрлєг"-єєр тогтоосноо нийтэлсэн юм. Энэ єдєр нь єнєє дэлхийн бишгvй олон орны олон нийтийн чанартай тэмдэглэлт єдєрлєг болоод байгаа юм.

    Хятадын Yндэсний Номын Сангийн 2004 оны 4-р сарын 23-ны єдєр Бээжинд зохион байгуулсан олон нийтийн арга хэмжээнд, номд сонирхолтой уран илтгэгч, жvжигчин, оюутан сурагч, цэцэрлэг яслийн хvvхэд 100 гаруй хvн сайн дураасаа оролцосон байна.Тэд нар Хятадын зохиолч Бин синь, Линь юй тан, тэрчлэн гадаадын зохиолч Rabindranath Tagore?Francis Bacon?Shakespeare нарийн зэрэг суут хvмvvсийн ном унших тухай бичсэн алдартай хэсгvvдийг уянгатай сайхан уншцагаасан байна.

    Энэ арга хэмжээг зохион байгуулсан хvний нэг болох хатагтай Чжан я фан бол Хятадын Yндэсний Номын Сангийн орлогч дарга юм. Тэр хэлэхдээ: сvvлийн жилvvдэд Хятадын эдийн засаг тvргэн хєгжиж, хvмvvсийн хэрэглээний тvвшин болон чиг хандлагад бvр маш их єєрчлєлт гарч, нийгэм дээр яаруу сааруу, хvлээц муутай байдал оршиж байгаагаас гадна, телевиз, сvлжээ, цахим тоглоом зэрэг орчин vеийн хэвлэл мэдээллийн хэрэгсэлийн нєлєєнєєс болж, ном уншдаг уламжлалт зан суртал маш их сорилтод нvvрлэсэн юм. Иймээс Хятад улс 1997 онд "Нийт иргэдээрээ ном уншихыг санаачлан, ном сонирходог нийгэм байгуулах"-ыг зорилгоо болгосон тєсєл хэрэгжvvлсэн бєгєєд жил болгоны 12-р сарыг нийт иргэдээрээ ном унших сараар тогтоосон юм.

    Хатагтай Чжан я фан хэлэхдээ: єнєє 100 гаруй улс орон болон газар нутгийнхан энэ арга хэмжээнд оролцож, энэ єдрийг хєл хєгжєєн ихтэй баяраа болгон тэмдэглэж байна. Хятадын номын сангийн нийгэмлэг суралцадаг нийгэм байгуулахыг санаачлаж, нийт иргэдийн ном унших урмыг улам хєгжєєж, суралцадаг нийгэм, суралцадаг байгууллага, суралцадаг гэр бvлийн байгуулалтыг ахиулахын тєлєє сурталчилгааны арга хэмжээнvv зохион байгуулахаар шийдсэн юм гэжээ.

    Энэ жилийн дэлхийн ном унших єдєрлєгийн гол арга хэмжээ нь нийгмийн олон талынхны анхаарлыг их татсан байна. Хятадын нэрт уран илтгэгч Фан мин 100 хvний сайн дурын уран уншилганд оролцосон байлаа. Тэрээр сурвалжлагчид ярилцалга єгєхдєє, нийгэм нийтэд авч хэлбэл ийм уур амьсгал бий болгож, нийт иргэдээрээ ном унших єрнєлт бий болгохыг санаачлах нь маш их шаардлагтай зvйл юм. Учир нь ном уншигчийн талаас авч хэлбэл нэг их хєрєнгє мєнгє зарчуулах шаардлагагvй тул номоо гvйцэд ашиглаж, бие биеэсээ зээлж уншиж, номын сангаас уншиж єєрийгєє хєгжvvлж болох юм. Ийм арга хэмжээ зохион байгуулах нь маш шаардлагатай бєгєєд маш их ач холбогдолтой юм гэжээ.

    Бээжингийн Шуудан Холбооны Их Сургуулийн оюутан Лиv лv хэлэхдээ, ном уншиж єєрийгєє хєгжvvлнэ гэдэг бол маш сайн арга байгаа юм. Ном гэдэг бол туйлын гайхамшигтай сайхан зvйл байгаа юм. бидний энгийн vе амьдралаас олж сурахгvй зvйл ном дотор байдаг. Би насан туршдаа номтой нєхєрлєж, суралгаа дvvргэж ажилд орсон ч, залуу багаасаа єтлєж хєгширсєн ч номноос салахгvй гэжээ.

    Ном унших єдєрлєгийн vеэр Хятадын номын сангаас гадна бас Бээжингийн том том номын сангууд ч уншигчидад хандаж, баялаг агуулгатай уншилгын арга хэмжээ зохион явуулжээ. Бээжингийн хамгийн том номын сан болох Бээжин номын сан хэдэн мянган ширхэг гадаадаас импортлосон сонгодог номууд болон дотоодын сонгодог номуудыг дэлгэн vзvvлжээ. Ван фv цзин номын сан ч "Уншлага болон эрдэм мэдэлгийн хvрээгээ тэлэх", "Сонгож унших" зэрэг сэдвээр илтгэл хийсэн байлаа.