Хятадын vзэмжит нутаг Тайхv нуурын баруун хєвєєнд, Зянсу, Жээжянь, Аньхуй гурван мужийн уулзарт эртний алдарт Янь сянь нутаг буюу одоогын вар шаазангийн хотхон болох И шинь хот гэрэлт сувд шигтгэсэн шиг гайхамшигт vзэмжээ гайхуулан байрлаж байна. 1758 хавтгай дєрвєожин км талбайтай энэ нутагт эх баялаг элбэг дэлбэг, эрдэмтэн мэргэд олноор тєрєн гарсан тєдийгvй байгалийн нєхцєл байдал нь сайн, єнє удааны тvvх соёлтой юм.

    И шинь хотын Яньсяний vзэмжит район бол улсын зиндааны Тайху нуурын vзэмжийн цэгийн чухал бvрэлдэхvvн хэсэг юм. Энэ нутаг ер нь вар шаазангийн хотхон, олон агуйт ертєнц, хулсаны далай, цайны тариалангаараа дотоод гадаадад алдаршижээ. Сvvлийн жилvvдэд И шинь хотын захиргаа арга хэмжээ авч, аялал жуулчлалыг хєгжvvлэх тєлєвлєгєєдєє тохируулалт хийж, аялал жуулчлалын орчин ахуйгаа сайжруулж, уул, ус,нуур бvрд, хулсан шугуй, цайны тариа, гол горхи, ой мо зэрэг адил бус онцлогтой арав гаруй цэцэрлэгийн єнгє vзэмжээрээ онцын vзэсгэлэнтэй болгон чимэглэж байна.

    И шин хотноо харьяалагдах Тайху нуурын таван км урт эрэгий нь даган сэлvvцэн алхалахад, нуурын ус нь номин долгио хаялан, мєнгєн шигтгээ шигонгоц завь хааяа холдон хааяа ойртож, усны шувууд нуурын дээгvvр гангар гонгор донгодож, нэлгэр их Тайху нуурын ус нь тэнгэрийн хаяатай залгаж, онцын гайхамшигтай харагдана. Карстын vзэгдэлт онцгой газрын давхаргын нєхцєл байдал нь И шинд уран дарханы урлан бvтээсэн шиг онцын vзэсгэлэнт зуу гаруй чулуун агуй бий болгожээ. Тэдгээрийн дотроос 1934 онд нээлттэй болгосон Шан жуан дvн агуйг Францын Риань агуй, Белгийн агуйтай хамтад нь дэлхийн гурван том агуй гэж нэрлэж байдаг.

    Онцгой газрын байцаасаа болж энэ агуйн дотор євєлдєє дулаан, зуны цаг сэрvvхэн. Аагим зуны халуунд энэ агуйд орох юм бол ёстой л агааржуулагтай том давхар байшинд орчхосон шиг сэв сэрvvхэн. Сэтгэл сэргээм ийм сайхан орчнд Шан жуан дvн агуйгаар танилцаж явахад альба бохиндол элдэв зовлон хоггvй арилж орхино. Байгаль эх энэ агуйг сvрлэг vзэмжтэй, хачин гайхалтай бvтээжээ. Агуй дотроо дээр, дунд, доор гурван давхар байна. Агуйн vvдэнд долоон метр гаруй єндєр банунцар чулуу сvглийснийг багана оргил хэмээн нэрлэнэ.Тvvний хоёр хазууд хєх арслан цагаан зааны хэлбэртэй чулуу амьд юм шиг байрлажээ. Эргэн тойрноор тvгэсэн банунцар чулууг ажиглахад хотондоо хэвтсэн хонь ч юм шиг, цомож аргамжсан морь ч юм шиг гэмээр, эсгvvлурт луу ус vлээгээ юv, усан лянхуаны сvvдэр тусаа юу гэмээр янз янзаар харагдана.

    Агуйн доор талд ороход тэнгэрийн баганадсан банунцар чулуу, дээрээс буух номин хvрхрээ, дун цагаан хун галуу, цаглашгvй идэт тас бvргэд зэргийн дvр тєрхтэй vзэмжvvд хослон харагдана. Доор талын агуйг сонирхож дуусаад, бяцхан завиар агуй доторхи далд урсгалыг туулж, гурав тахирлан явж атлаа гэнт нvдний ємнє сав саруул болчхолоо. Завиас бууж эргэд гарахад, номин цэнхэр уулна ой мод ягцран, жигvvртэн шувууд жиргин донгодож, зvйлийн цэцэг дэлгэрээд, хvний ертєнцийн диважаанд хvрсэн шиг юм. Ойн жимээр алхан, замын хазуу дахь эртний сvм хийд, асар тагтыг сониучлан явсаар байж, нэг мэдэхэд наран жаргах vе болчхосон байлаа.

    Шан жуан дvн агуйгаас гарч машинаар уулан замаар давхиулан явахад, уулын байцыг даган ургасан цайн тариа бидний анхаарлыг татлаа. Цэлгэр номин, ангилам сайхан vнэртэй цайн тариагаар єнгєрч, тєдий л удсангvй хулсан ойд хvрч ирлээ. Хєвєє хязгаар нь харагдахгvй хулсан далай бол ёстой л аянчин жуулчдын сэлvvцэн жугаацах газар юм.

    Та хэрэв И шин хотоор аялан жуулчилж ирвэл, энэ нутгийн шаазанг сонирхохыг бодоорой. И шин хот эрт дэр vеэсээ аваад шаазан vйлдвэрлэснээрээ алдаршсан юм. И шингийн хvрэн шаазан, хєх шаазан, гангар шаазан зэрэг нь дотоод гадаадад алдартай.