Бээжин хотын Чао Ян тойргийн єндєр настан, ноён Лиv шинь бол айл ахуйн тvгээл усыг хэмнэн ашиглах талаар их туршлага хурамтлуулсан хvн юм. Тэрээр ус хэмнэх нь зєвхєн єєрийнхєє мєнгє тєгрєгийг аривлаж байгаа тєдий биш, хамгийн гол нь усны эх сурвалжыг хэмнэхийн тєлєє юм гэж vздэг. Ноён Лиv Шинийхэн ногоо будаа угаасан усыг ч асгахгvйгээр цэцэг усалхад хэрэглэдэг, єдєр болгон ашигладаг жорлонгийн усны савандаа ус хэмнэх тєхєєрємж угсаруулсанаар, уул нь бvх гэрээрээ 3 сард 70 тонн ус зарцуулдаг байсан бол одоо 50 тонн л хэрэглэх болжээ. Ноён Лиv Шинь хэлэхдээ: Усны эх сурвалж бол тун эрхэм зvйл юм. Хэдэн мєнгє тєгрєгийн асуудал биш. Ус бол бидны амьд явхийн хамгийн шаадлагатай нєхцєл мєн. Усыг аривлан хэмнэх бол хvн бvхний vvрэг хариуцлага мєн гэжээ.

    Бээжин бол Хятад даяарт хамгийн их ус дутагдаж байгаа хот юм. Хvн бvрд 300 шоо л ус ноогдож байна. Энэ тоо Хятадын хvн бvрд ноогдох усны 8 хувийн 1-д ч хvрэхгvй байгаа бєгєєд дэлхийн хvн бvрд ноогдох хэмжээний 30 хувийн 1-д ч хvрэхгvй байна. Yvнийг 13 сая хvн амтай нийслэл хотод авч хэлбэл байдал маш хvнд байна.Сvvлийн жилvvдэд Бээжин хотын засгийн газар, ус хэмнэх янз бvрийн арга хэмжээ авсан байна. Жишээлбэл: ус хэмнэх гоожуур vйлдэж хэрэглэгчдэд vнэ тєлвєргvй угсаруулж єгсєн, усанд гамтай жорлонгийн савыг бvх хотод єргєнєєр хэрэглvvлсэн зэрэг болно.

    Бээжин хотын нэрт Чан Ань гудамжинд байгаа Чан Фэн Жиа Ри зочид буудал бол 4 одтой зочид буудал юм. Тус зочид буудлын газар доорох 2-р давхарт бохир усыг зохицуулах систем ажилж байдаг. Энэ систем нь єрєє нvvдийн бохир усыг цэвэрлээд буцаагаад єрєєнvvдийн жорлонгийн саванд оруулдаг. Энэ нь зочид буудалд чамлашгvй vр ашиг хvртээж байна. Ноднин жил 30 гаруй мянган тонн ус цэвэрлэж ашигласан нь бvх жилийн хэрэглэх усных нь 23%-ийг эзэлж, 200 мянган юаны усны зардлыг хэмнэж чадсан байна. Тус зочид буудлын техникч ноён Ли Вэй пин хэлэхдээ: Ус хэмнэх нь аж ахуйн нэгждээ ашигтай тєдийгvй ховор чухаг усны эх баялагийг ч хэмнэж байна. Манай зочид буудал сая юаны хєрєнгє оруулж байж бохир усыг ашиглах систем байгуулсан юм. Бид єрєє болгоны юум угаасан усыг буцааж аваад жорлон цэвэрлэхэд ашиглаж байна гэжээ.

    Тус зочид буудал єрєє болгондоо хийн хvчээр ус оруулах гоожуур угсаруулсан байна. Энэ нь жирийн гоожууртай адил боловч усыг 70%-аар хэмнэж чаддаг. Хятадын усны аж хуйн яамны усны эх баялагийн хэлтэсийн орлогч дарга ноён Гvє Мэнь чжо шинжлэх ухаанчаар ус хэмнэх болон ус ашиглалтын механизм тогтоох тухай хэлэхдээ: Ус хэмнэх, усны эх баялагийг vр ашигтай ашиглах бол Хятад улсын усны хямралыг аргацаах тэргvvн чухал арга хэмжээ болох бєгєєд усны эх баялагийг зvй зохистой эдэлхийн угтвар нєхцєл мєн.Иймээс бид заавал эдийн засгийн арга барьлаар гол болгон ус хэмнэх механизм бий болгож усны эх баялагийг ашиглах vр ашигаа байнга дээшлvvлэх хэрэгтэй байна гэжээ.

    Yvний зэрэгцээ, хууль дvрэм, эдийн засаг, засаг захиргаа, техник мэргэжлийн арга хэмжээг уялдуулан ашиглаж, ус хэмнэх чанд дvрэм тогтоон, ус хэмнэх тоног тєхєєрємж нэвтрvvлэн дэлгэрvvлж, ус хэмнэх зvй ёсны систем тогтоож, ус хэмнэх, ус хэрэглэхэд тус дєхєм vзvvлэх хэрэгтэй байна.