Шилинголын тал нутаг нь аялал жуулчлалын элбэг дэлбэг эх баялагтай газар юм. Ялангуяа тал нутаг нь vзэсгэлэн сайхан, бэлчээрийн тєрєл зvйл бvрэн гvйцэд байдагаараа дэлхийд алдартай. Зvлэгт нутаг, хєтєє тал, хагас цєлжсєн бэлчээр, цєлжсєн тал нутаг бvрдэж, 1200 гаруй тєрлийн ургамалтай юм. Шилинголд ЮНЕСКО-ын олон улсын амьд бодисын хvрээний сvлжээнд хамрагдсан улсын зиндааны тал нутгийн байгалийн дархан цаажтай бvс- Шилинголын тал нутгийн байгалийн дархан цаажтай бvс байрлаж байна.

    Дэлгэр сайхан зуны улиралд, vзэсгэлэн сайхан vзэмчний тал нутаг номин єнгєєр цэлгэрч, алаг цэцэг мяралзан дэлгэрч, хєвєн цагаан vvл хєх цэнхэр огторгуйд хєвєлжин нvvж, хєдєє талд хєлєг морь давхиулан, хонь ямаан сvрэг сувд цацсан шиг яралзна. Монгол гэрээс аргалын утаа суунаглан, vхэр тэрэг єргєн талын дунд найган, байгаль эхийн vзэсгэлэнг жуулчин хvнд гайхуулна. Энгvй єргєн хэмэрлэг торгыг эх дэлхийн єрцнєє дэлгэсэн шиг vзэсгэлэн сайхан Хvйтэн шилийн тал нутагт сувд цацсан шиг таанын цагаан сvрэг тархан бэлчиж, есєн нугалаа арван найман тохойтой шилингол нь тал нутагт дэлгэсэн ариун цагаан хадаг шигээр хєдєє талаараа мяралзан урсаж, хvрсэн хvн болгоны сэтгэлийн шижмийг татаж байдаг. Тvvхэн дээр Шилинголын тал нутагт таван аймаг амьдарч байсан юм байна. Энэ нь даруй Yзэмчин, Хуучид, Авханар, Авга, Сvнид зэрэг таван том аймагаар бvрэлдсэн байна. 1958 онд Шилингол аймаг болон Чахар аймагыг нийлvvлэн Шилингол аймаг болгосоноор Чахар аймаг ч Шилинголын тал нутгийн бvрэлдэхvvн болсон юм.

    Чахар аймаг бол Чингэс хааны алтан ургийн аймаг бvлэг, Авга аймаг бол Чингэс хааны дvv Билгvvдайн хойч vе болон харц ардууд нь болно. Тэд одоод хvрч иртэл тал нутгийн оторчин ардын соёл болон зан vйлээ хэвээр хадгалж, хувцас хунар, идээн ундаа, орон сууцаас аваад гэрлэх ёс, ёслол vйлдэх, баяр дурсгал зэрэг талаараа бvхийл Монгол vндэстний тvvх соёлд маш чухал байр суурь эзлэн, тєлєєлєх чанартай vvрэг гvйцэтгэж байна.

    Шилинголын тал нутагт бас Чин улс Янь улс Алтан улсын vеийн эртний урт цагаан хэрэм, дэлхийд алдартай Юань улсын дээд нийслэлийн буурь, Хонгорын vзэсгэлэн сvрлэг хадан зураг болон Мин улсын Чэн Зv хаан умарш тав удаа дайлах vе vлдээсэн хадан хєтєл, босоо морьт оргил зэрэг тvvхийн vзэмжтэй. ЄМЄЗР-ны дєрвєн том сvм хийдийн нэг болох Бейсийн сvм цагаан овоо нь шашин болон Монгол vндэстний соёлыг нэгэн цогц болгон, дэлхийд алдартай " аврага гvрвэлийн нутаг" хэмээгдсэн тvнхэр хотгор нь галав эртний ахуй байдлыг тvvхчлэн ярьж байгаа шиг сэтгэгдэл тєрvvлнэ. Хєвєє хязгааргvй хєдєє талд хонь vхрийн сvрэг бэлчсэн хєдєєгийн гоё vзэмжтэй мєртєє хєхємдєг цэнхэр уул хайрхан хєвєн цагаан vvл, номин цэнхэр бэлчээр євс, нандин сэтгэлт малчин тvмэн энэ бvхэн нь хvн байгалийн ханьсан ижилдсэн гоёхон зургийг жуулчиддаа харуулж байдаг юм.

    Шилинголын хєх цэнхэр агаар огторгуй, хєвєн цагаан vvл, тоосгvй сайхан уяхан хонгор салхи, торго шиг сайхан номин ногоон бэлчээр, євєрмєц онцлогтой зан vйл бvхэн нь та бvхний таашаалд нийцэх болужээ.
Пэрлай маа орчуулав