Монголчууд эрт дээд vеэсээ эзэн Чингэсийн дахилага юм уу євдєгш их найр хорим, онц хvндэт зочинд бvхэль шvvс оруулж дайлах зуршилтой мєртєє тогтсон ёс журамтай байдаг. Зарим их найрт бас тусгай ерєєлч урж, шvvсэн ерєєл уншуулдаг. Газар орны ёсон хоорондоо жуухан зєрєєтэй байдаг.

    Алшаа зэрэг газарт ширээний ахлагч юм уу ууц толгой эвдэх хvн, мєнгєн хуйтай хутга бариж, хонин толгой дээр хавирган сар юм уу тонолжин тэмдэг зураад сvvлээс нь нимхэн халиж, хониний толгой дээр нь тавин, гэрийн эзэнд нь баридаг. Бас уураг сvvлийг нь авч, зєв талын шаанттай таваглаад, толгойг нь дээр нь тавиад гэрийн эзэнд єгєнє.

    Баяннуураас зvvнших хавын монголчууд ууц єрж тавихын зэрэгцээ, ууц хашигч сєхєрч суугаад хутгаа бариулаар нь ширээний дээд суудалд суусан хvндэд зочинд єгєнє. Хvндэд зочин ууцны нэг хэсгийг хєндєж, хутгаа ууц хашигчид буцаана. Ууц хашигч уураг сvvлийг нь огтолж, шаанттай нь авч, тавагт хийгээд дээр нь толгойг нь тавин бурахны хувь—"одоо гэрийн эзний хувь " гэж авч єгєєд ууцаа хашиж эхлэнэ. Ингээд ууц хашигч гол суудлын хvний єєд хоёр гараа дэлгэн "шvvс зогол" гэхэд дээд суудлын хvн гар хvрсний дараа бvгдээрээ сая идэж эхлэнэ. Энэ vед ууц хашигч єнєєхь шаантаа сайхан мєлжиж ясыг нь дашиад, чємгийг нь гарган "тосон хорим бариж байна" гэж хэм сэргээн ууцгаахын зэрэгцээ чємєг амсуулана.

    Байран зэрэг газарт ширээний ахлагч юм уу ууц хашигч хамгийн тэргvvнд хонин духаас хуйхыг нь хєндєж гал, тэнгэрт єргєн дахин баруун чихиний арыг бага огтолж хєндєєд, толгойг нь бага дэвшид хийж, дараа нь уураг сvvлийг нь огтлон авч зєв шаантын чємєгтэй хамт дахилагад тависны дараа ууц хашина.

    Хэшигтэн зэрэг газарт шvvс эвдэгч нь эн тэргvvнд дух, хоёр завж, хоёр чихь, хоёр ухурхай, шиль, тагнайгаас есєн хэсэг авч, тэнгэр газарт єрєгсний дараа толгой, уураг сvvл, тєрвєн єндєр, шантыг тусгай дэвшид хийж ширээний ахмадад барина.

    Барага Буриадын шvvс засах нь бас євєрмєц онцлогтой байдаг. бvхэль хонины шvvсийг голцуу хорим найр дээр засах бєгєєд бvхэль шvvсээ тєрвєн тавагт єрж тавина. Хамгийн тэргvvний саванд хонин толгой тавина. Энэ нь хуйхалж чанасан хонин толгойгын магнай дээр гурвалжин зурж, чихэн ар, хажуу уруулын махыг зэрэгцvvлэн хоёр огтолж, дээр нь нэг хавирага тавиж, хамгийн дээд суудалд суусан хvндэд зочины ємєнє тавина. 2-р тавагт хонин ууц тавина. 3-р тавагт дал тавина. 4-р тавагт шаант тавина.

    Ингэж дєрвєн тавагыг тус тус махаар дэвсгэрлэн дvvрэгсний дараа зочилогч нь малгайгаа авч, бие мєхийн хоёр гараа дэлгэж, "зогоглогтун" гэхэд тэргvvн зочин толгойгын гурвалжилсан хуйхыг огтлон авч, эх дэлхийд єргєн, чихний арын огтлоосыг галд єргєж, уруулын хажуугын огтлоосыг єєрєє идээд, толгойг хавирагын хамт гэрийн эзэнд хоёр гараар єргєж гардуулана. 2-р тавгыг худгайд гардуулана. Худгай мєн ууцын хоёр талаас жуухан зvсэж, нэг хэсгийг нь галд єргєж, дараа нь зочидод баридаг. Дорогшихь таваг нь цєм энэ журмаар явагдана. Барага, Буриадад гэр бvлийн дайллага юм уу албан ёсны дайллагад хонин толгой тавидаггvй.