Хятадын ГХЯ-ны орлогч сайд Y Давэй 3-р сарын 2—4ний єдрvvдэд Ємнєд Солонгост айлчилж, зургаан талт хэлэлцээг дахин эхлvvлэх асуудлаар БНСУ, АНУ-ын албаны хvмvvстэй санал бодлоо солилцов. Y Давэйгийн энэ удаагийн айлчлал болон ХКН-ын Гадаад харилцааны хэлтсийн эрхлэгч Ван Жярvйгийн саяхан Солонгосын хойгт хийсэн айлчлал хоорондоо арав гаруйхан хоногийн зайтай байгаа.

    Хятадын тал ийм богинохон хугацаанд єндєр зиндааны хоёр албан тушаалтнаа томилон Солонгосын хойгт айлчлуулж, энхийн хэлэлцээг ахиулах эрч хvчээ нэмэгдvvлсэн нь хойт Солонгосын цємийн асуудлыг эв зvйгээр зохицуулахыг ахиулах явцад Хятадын талын гvйцэтгэх vvргийг дахин ил хариулж байгааг олон нийт анхааралдаа авсан байна.

    Y Давэйгийн энэ удаагийн айлчлал нь Солонгосын хойгийн байдалд шинэ єєрчлєлт гарснаас хойш болов. Хойт Солонгосын ГХЯ 2-р сарын 10-нд мэдэгдэл хийж, цємийн зэвсэгтэй байгаа бєгєєд зургаан талт хэлэлцээнд оролцохоо хугацаагvй зогсоно гэж мэдээлсэн нь гадаадын олон нийт Хойт Солонгосын цємийн асуудал хойшид хааш нь хєгжих талаар сэтгэл тvгшиж байна.

    Хойт Солонгосын дээд удирдагч Ким Чен Ир айлчлахаар очсон ХКН-ын Гадаад харилцааны хэлтсийн эрхлэгч Ван Жярvйтай 2-р сарын 21-нд уулзахдаа, талууд хамтран ажиллаж, зургаан талт хэлэлцээний дєрєвдєх ээлжийн хэлэлцээний нєхцєл боломж бvрдvvлбэл, хэлэлцээнд дахин оролцоход Хойт Солонгосын тал бэлэн байна гэж илэрхийлжээ. Тvvний энэхvv илэрхийлсэн байр суурь нь нааштай дохио уламжилснаар, нэг vе хурцадсан Хойт Солонгосын цємийн асуудлын байдалд шинэ єєрчлєлт гарсан байна.

    Гурван хоногийн айлчлалын хугацаандаа Y Давэй, БНГСУ-ын Гадаад харилцаа худалдааны сайд, зургаан талт хэлэлцээнд оролцож байгаа Ємнєд Солонгосын тєлєєлєгчдийн тэргvvн, Ємнєд Солонгосын аюулгvйн vндэсний хорооны дарга тэрчлэн зургаан талт хэлэлцээнд оролцож байгаа Амеркийн тєлєєлєгчдийн тэргvvн бєгєєд Америкаас Ємнєд Солонгост суугаа элчин сайдтай уулзсан байна.

    Уулзалтын явцад Хятад, Ємнєд Солонгос, АНУ гурван талын албан тушаалтнууд шинэ ээлжийн зургаан талт хэлэлцээг эртхэн эхлvvлэхийг санал нэгтэй уриалжээ. Yvний дотор Хятад болон Ємнєд Солонгосын тал, зургаан талт хэлэлцээ нь талуудын анхаарч байгаа асуудлаар нухацтай зєвшилцєж, холбогдох талууд зургаан талт хэлэлцээний хvрээнд хийгдэх хоёр талын яриа хэлцлийг vргэлжлvvлэх ёстой гэж онцлов.

    Америкийн тал, Америк Хойт Солонгосыг дайсагнах санаагvй, зургаан талт хэлэлцээний хvрээнд Хойт Солонгосын талтай нухцтай яриа хэлцэл хийж, Хойт Солонгосын анхаарч байгаа ямар ч асуудлыг дэлгэрэнгvй авч хэлэлцэхэд Америкийн тал бэлэн байна гэж илэрхийлжээ.

    Y Давэй болон Ємнєд Солонгосын талын албан тушаалтнуудтай уулалт хийснээс хойш, нэрээ хэлэхээс татгалзсан Ємнєд Солонгосын Гадаад харилцаа, худалдааны яамны нэг албаны хvн Ємнєд Солонгосын хэвлэл мэдээллийн хэрэгсэлд хандан хэлэхдээ, Хойт Солонгосын талын илэрхийлсэн байр суурь нь зургаан талт хэлэлцээнд дахин оролцоход нєхцєл тавьж байгаа биш, харин нэн сайн орчин шаардаж байгаа болно гэж Ємнєд Солонгос болон Хятадын тал vзэж байна гэжээ.

    Зургаан талт хэлэлцээний гол тал болох Америкийн тал сvvлийн vе зургаан талт хэлэлцээгээр Хойт Солонгосын цємийн асуудлыг шийдэхийг хатуу баримтална гэж мэдэгдэж байгаагийн зэрэгцээ, нєгєє талаар зургаан талт хэлэлцээнд ямарч нєхцєл дагалдуулалгvйгээр оролцохыг Хойт Солонгосоос шаардаж байна. Энэ нь Хойт Солонгост урьдаар буулт хийхгvй гэдгээ харуулж байна. Єнєє талууд зургаан талт хэлэлцээг дахин эхлvvлэхээр дипломат эедvvлэг хийсээр байна. Америкийн талын илэрхийлж байгаа байр сууриас тvvний буулт хийх эсэх нь харагдахгvй байна.

    Анхаарууштай нь гэвэл Ємнєд Солонгос, Америк, Японы зургаан талт хэлэлцээний тєлєєлєгчдийн тэргvvн нарын 2-р сарын 26-нд єндєрлєсєн гурван талын уулалтын дараа, Ємнєд Соонгосын тєлєєлєгчдийн тэргvvн, зургаан талт хэлэлцээнд эртхэн оролцохыг Хойт Солонгост уриалахдаа, Хойт Солонгосыг хэлэлцээнд нєхцєл дагалдуулгvйгээр оролцуулах эсэх талаар байр сууриа тодорхой илэрхийлээгvй байна.

    Єнєєгийн зангилаа асуудал бол холбогдох талууд чин vнэнч, уян хатан байр сууриар, шинэ ээлжийн зургаан талт хэлэлцээг эртхэн эхлvvлэхээр хvчин чармайлт гаргах ёстой гэж шинжээчид vзэж байна. (Орчуулсан Баясгалан, хянасан Номин)