Єнєє жил 50 гаруй настай Эр Юе хэ Хатан голын урсгал дагуу байдаг Шань ши мужид тєрж, Хэ Нань мужид олон жил ажиллаж амьдарсан хvн байлаа.

    Эр Юе хэ 1986 оноос эхлэн 300 жилийн ємнєх Манж Чин улсын vеийн нийгмийн амьдралыг харуулсан "Энх амгалан хаан" , "Найралт тєв хаан" , "Тэнгэр тэтгэгч хаан" романуудаа бичиж, уг романууд нь удалгvй Телвизийн олон ангит кино болж цэнхэр дэлгэцнээ тавигдсанаар vзэгчид олны талархал сайшаалыг хvлээж, єєрийн нэр тєр нь ч олноо алдаршсан юм.

    "Єєрчлєлт шинэчлэлтийн vеэр зохиолч бид сэтгэж бvтээх талаар баригдаж хvлэгдэх саадгvй болж, тухайн vеийн сайд тvшмэд, хаад ноёдын амьдрал дундах нааштай сайн сайхан талыг чєлєєтєй тусгах боломж, урам зориг хайрласан юм. " гэж Эр Юе хэ хэлж байна.

    Эр Юе хэ залуу зандан насандаа Соёлын их хувьсгал гээчид єртєж их суруульд сурах аз завшаанаа алдаж, уурхайчин, барилгачин, авто замын засварчин хийж явсаар байгаад хожом нь 10 гаруй жил цэргийн алба хашжээ. Амьдралын бэрх хатуу єнгєрєлт нь тvvний эр зоригийг улам хєгжєєж, заавал нэгийг бvтээх гэсэн итгэлээр єєрийгєє тэжээж байлаа. Эр Юе хэ ном бичиг унших их сонирхолтой хvн байсан бєгєєд ялангуя тvvхийн тухай ном сударт бvр ч их сонирхолтой байсан юм. Тэрээр єєрийн амьдралын тухай олж алдсанаа vсэг бичгээр илтгэж, амьдралын тухай, ертєнцийн vзэлтийн тухай, тvvхийн тухай ойлголтоо нэгэн зvйлийн арга замаар хvмvvст ойлгуулах гэсэн хєєрєлд автаж, тvvхийн уран зохиол бичихээр шийдсэн байна.

    "Эхлээд бичиж оролдож байхад маш хэцvv байсан. єдєр нь ажлаа хийж орой нь єглєєний 3-4 цаг хvртэл бичдэг байлаа.хvйтэнд хєртлєє, халуунд хагсаталаа бичдэг байсан. Хvйтэнд бол хувцас хунараа давхарлаад бас болгодог байсан, харин халуунд л хэцvv байсан. Тэр vед агааржуулагч байтугай салхины сэнс ч байгаагvй болохоор арга ядахдаа хоёр хєлєє хvйтэн усанд дvрж байгаад хоёр ч vсэг боловч бичдэг байсан" гэж Эр Юе хэ хэлж байна.

    Хятадын уран бvтээлчид тvvнийг "Уран бvтээлийн тєлєє биеэ золиослогч" гэлцдэг. Тvvний уран бvтээлvvд нь бvгд л шаргуу хєдєлмєрийн vрээр ургасан бvтээлvvд юм. Жишээ нь "Тэнгэр тэтгэгч хаан" романаа бичиж байхдаа тэрээр саа євчинд дайрагдаж, эмнэлэгт хэвтэж байхдаа бичиж дуусгасан ажээ.

    Сvvлийн жилvvдэд тэрээр бие тааруухан болсон тул роман оролдохоо больж, найраглал, сул тэмдэглэл арвин бичжээ. Эр Юе хэ, эхнэр, охинтойгоо гурвуул амьдардаг. Амьдралынхаа тухай тэрээр:

    "Зохиолч болсон ч эгэл ард, тайван сэтгэл амгалан амьдралтай байхыг эрхэмлэдэг . Эгэл хvний амьдрал надад байгаа ч харамсалтай нь надад зав чєлєє данч ховор юм. Хааяа заримдаа найз нєхдvvдтэйгээ шатар, хєзєр, маажаан тоглож суухад их сайхан байдаг юм. Заримдаа нєхдийн хамт уулзалдаж, зохион бичих тєлєвлєгєєгєє ярилцдаг " гэж хэлж байна.

    Эр Юе хэ тvvхийн уран зохиолч хэдий ч єнєєгийн нийгмийн бодит байдалд ихээхэн анхаарлаа хандуулдаг. Тэрбээр єєрийн номын шагналын мєнгєєрєє хятадын "Хvслэнгийн бага сургууль"-д олон ч удаа хандивын мєнгє єгч байсан. /Бvрэнбаяр орчуулж, Л.Буянтогтох хянав/