Хятадчууд цай уусан өнө удаан түүхтэй, тэхэд Сь чуань бол Хятад улсад цайны мод тарьсан хамаг эртний нутгийн нэг юм. Сь чуаны цайны охь сод нь даруй Мэн шань уулын цай. Уламжлал судар бичигт тэмдэглэснийг үзвэл, Мэн шань уулын цайг төр төрийн хаан эзэнд өргөн барьж, нэгэнт мянга гаруй жил болсон юм байна. Хятадын аялал жуулчлал нэвтрүүлгийн өнөөдрийн шинэ дугаараар та бүхэнд Мэн шань уулын өнгө үзэмжийг танилцуулахын дагуу, Мэн шань уулын анхилам сайхан цайг танилцуульяа.

    Мэн дин шань уул Сь чуаны хотгорын хөвөөн дэх Яа-ань хотын Мин шань сияний нутагт байрлаж байна. Яа-ань хотоос машинаар 15 км явбал, номин ногоон цайны мод ургасан үзэсгэлэнт уул тодрох юм. Энэ бол даруй мянган оны турш цай элбэг гардагаараа нэр алдаршсан Мэн дин шань уул мөн.

     Он сарын элэгдлээр мөлгөр болсон чулуун шатаар дээш авиран, ягч сахлаг модтой ойн дундуур өнгөрхөд, модон навчаас усан тусал бууж, сэтгэл сэргээм сэрүүхэн санагдна. Уулын хярд гархад үүл манан сарниж, алтан нарны туяанд алсад цэлгэрэх цайны тарианд сувдийн хэлхээ шиг гэрэл гялбах нь гайхалтай.
Цайны тарианд хулсан сагс үүрэн цай түүж байгаа тариачид, ая дуугаа хангинуулан, баяр баясгалантай ажиллаж байгаа нь зураг шиг харагдна.

     Мэн дин шань уулыг хуучинд Мэн шань уул гэж нэрлэж байсан юм. Манай тоололын 8-р зууны Тан улсын үеэс өнгөрөгч зууны эхний хамаг эцэсийн фиодлын хаант төр болох Чин улсын үе хүртэл, Мэн шань уулын цайг төв засгийн газрын тэнгэр бурхан болон өвөг дээдэсээ тахих болон хаан эзэнд өргөн барих тусгай цай болгосоор ирсэн юм. Хятадын хүн ардын уламжлал ярианд " Ян зи жян мөрний ус ариун тунгалаг, Мэн шань уулын оргил дохь цай эрхэм дээд" гэсэн үг байдаг. Энд дурдсан Ян зи жян гэсэн нь Хөх-мөрнийг хэлж байгаа биш, харин Хятадын өмнөд нутгийн Жянсу мужийн Жэнжян суурины Жинь шань си хийдийн хавьд байдаг Жүн лэн чуан булгийг хэлж байгаа юм. Жүн лэн чуан булгийн ус нь эртнээс аваад ариун тунгалаг байдагаараа алдархшиж, зарим хүн энэ булгийн усаар цай нэрж уувал хамаг сайн гэж үздэг байна. Эртний хүн ард энэ Жүн лэн чуань булаг болон Мэн шаны цайг хамгийн их таашааж байсан нь энэхүү яруу найргын бадагаас мэдрэгдэж байгаа юм.