Хятадын аялал жуулчлал нэвтрүүлгийн өнөөдрийн дугаараар та бүхэнд гадаадын жуулчдын нэлээд сонирхолтой байдаг Хятадын автобусын аялалын хоёр шугамыг танилцуульяа. Түүний нэг нь Бээжингээс Шанхай хүрэх шугам, нөгөө нь Бээжингээс Ши-ань хүрэх аялалын шугам болно.

     Хятадын олон улсын жуулчлал компанийн зах зээлийг хөгжүүлэх газрын орлогч захирал ноён Гүө Вэнбин энэ аялалын шугмийг танилцуулж хэлэхдээ:

     Манай орны хангай замын байгуулалт сүүлийн үе их хөгжиж, бүх засмал зам бараг бүхнээрээ холбогдсон болохоор бид бүрэн тоног төхөөрөмжтэй том автобусаар аялал жуулчлал зохиож байгаа юм. Бид одоо хоёр шугамаар аялал жуулчлал зохиож байна. Нэг нь Бээжингээс Шанхай хүрэх шугам, бүх замаа том тансаг сайхан автобусаар явна. Бээжингээс гарч, замдаа Тианжин, Тайшань, Чюйфү, Шюйжөү, Сүжөүг дамжин 12 хоног явж Шанхайд хүрнэ. Үүнээс гадна бид бас Бээжингээс Ши-ань хүрэх шугам ажиллуулж байна. Бээжингээс мордон зам дагуу Баодин, Хандань, Аньян, Жэнжөү, Лүөяань, Сан мэнь сия хавцал зэрэг үзэмжит нутгаар дамжин, 9 хоног аялан,хамаг эцэст Ши-ань хотод хүрнэ гэжээ.

     Гүө Вэнбинь хэлэхдээ: өнөө Хятадын хурдын зам дагуу байрлаж байгаа хотууд болон үзэмжит нутгийн жуулчид хүлээн авах тоног төхөөрөмж өдрөөс өдөр боловсронгуй болж байгаа болохоор, бүрэн тансаг тоног төхөөрөмжтөй том суудлын машинаар хурдын зам дагуу хот болон үзэмжийн цэгийг сонирхож явах нь маш ая тохитой байдаг юм. " Том автобусаар аялах" үйл ажиллагаанд оролцсон жуулчид өдөрт машинаар дөрвөн цаг хир аялан, нэгэн хотоос дараагийн газарт хүрч, тэр газарт хүрсэнийхээ дараа жуулчин компани нь жуулчдаа нэг хоёр хоног аялуулж, тухайн орон нутгийн өнгө үзэмжтэй танилцуулж байдаг гэжээ.

     Бүрэн тоног төхөөрөмжтөй, тансаг сайхан том автобусаар Хятадын аялал жуулчлалын цэгүүдээр аялах явдал гадаадын маш олон жуулчдын сонирхол татаж байна гэж жуулчин компанийн хөтөч хүүхэн Гао Фэйфэй бидэнд ярьж байсан юм.

     Аялал жуулчлалын Хөтөч Гао Фэй фэй Бээжингээс Шанхай хүрэх энэхүү шугам дээр ажиллаж байна. Тэрээр энэхүү шугмийн тухай танилцуулж хэлэхдээ:

     "Жуулчид эртний барилга, эртний соёлд нэлээд сонирхолтой байдаг. Тэд Бээжингийн хааны ордон, урт цагаан хэрэм, Шандунгийн Чюй фүүд Күнзийн сүм, Күнзийн хөшөөнүүдийг сонирхож, бас Шюйжөүд хүрч эртний Хан улсын бунхан сонирхож, хамаг эцэст Шанхайд хүрнэ. Шанхай бол дэлхийн том хот, жуулчид Шанхайгаас бараа тавар худалдан авахаас гадна бас Шанхайн амтат сайхан хоол ундыг амсах сонирхолтой байдаг гэжээ.

     Бээжингээс Шанхай хүрэх зам дагуу жуулчид хурдын замын хоёр талын өнгө үзэмжийг маш сонирхон, байнга тэргэнээсээ бууж, зураг даруулах буюу өнгө үзэмж сонирхож явдаг гэж Гао Фэй фэй ярьж байлаа.
Өнөө Америк болон Европоос ирсэн жуулчид ийм том автобусаар Хятад оронд аялан жуулчлах сонирхолтой байгаа юм байна. Америк жуулчин Билл Милевски том автобусаар гурав удаа ийм аялалд оролцож байгаа хүн юм. Тэрээр хэлэхдээ:

    " Бид шиг ийм гадаадын иргэнд авч хэлбэл, удаа болгон Хятадад ирж жуулчлах цаг хугацаа маш хязгаартай байдаг. Тийм болохоор би Хятадад байсан цагаа онгоцон дээр үрэх дургүй. Бээжингаа Шанхай хүрэх энэхүү автобусын аялалын замд Тайшань уул болон Күнзийн сүмтэй танилцаж болох байтал, энэ тохиолыг яаж алдаж болох юм? Тэр ч мөртөө машин дээрээс би Хятадын эртний соёл иргэншлийг ойлгож болох төдийгүй нэн олон шинэ зүйлүүдийг сонирхож болох юм гэжээ.

     Билл Вилевсктэй адилхан ингэж аялалын том авто машинаар Хятадад аялал жуулчлал хийж байгаа гадаадын иргэдийн олонх нь Хятадын эртний соёл иргэншилд нэлээд их сонирхолтой хүмүүс юм. Тэд том авто машинаар Бээжингээс Шанхай хүртэл аяласныхаа дараа мөн Бээжингээс Ши-ань хүрэх шугамаар том авто машинд суун аялаж байдаг гэж Хятадын олон улсын жуулчлал компанийн зах зээлийн хөгжлийн газрын хариуцлагтан ноён Жан Шүө танилцуулан хэлсэн юм. Тэрээр хэлэхдээ:

     "Бээжингээс Ши-ань хүрэх шугам дээр эртний бунхан нэлээд олон байдаг. Ши-аньд хүрвэл цэрэг морьны жагсаалыг заавал сонирхох юм. Мөн Сань мэнь сия хавцалд хүрч, малтаж гаргасан их олон бичиг дурсгалын зүйлийг сонирхож болно. Жуулчид эдгээрийг сонирхоод маш сэтгэл ханхлуун байдаг. Бас Ин шюйд хүрч ясан дээр бичсэн эртний ном судрыг сонирхож болно. Ясан дээр бичсэн эртний номыг хамаг анх эндээс илрүүлсэн юм гэжээ.

     Ноён Жан Шүөгийн ярьж байгаа " цэрэг морьны жагсаал" бол дэлхийн найман том гайхамшгийн нэг хэмээгдсэн ховор нандин бичиг дурсгалын зүйл юм. Энэ бол Хятадын түүхэн дээрэх анхны хаан- Чин ши хуан хааныг дагуулан оршуулсан зүйл мөн. Сүүлээр нь хүмүүс Чин Ши хуан хааны бунханы ойр хавиас том жижиг нь үнэн хүн болон үнэн морьтой яг адилхан 7000 шавар шаазан хүн буюу морь малтаж гаргасан юм. Эдгээр шавар шаазан хүн морь нь Чин Ши хуан хааны бунхныг хөрсөн дор хамгаалсан асар том цэргийн харуул болж байсан юм. Ин шюй гэсэн газар Хэ нань мужийн Ань ян хотод байрлаж байна. Тэндээс үсэг бичиг сийлсэн яст мэлхийн хуяг болон малын яс нийт 15О мянган ширхэг малтаж гаргасан юм. Эдгээр үсгийг ясан дээр сийлсэн үсэг гэж нэрлэж байгаа бөгөөд Хятадын одоо хэрэглэж байгаа Хятад үсэг нь эдгээр ясан дээрэх үсгээс уларин хувирч ирсэн юм.

     Сая та бүхэнд жуулчлалын том авто машинаар Хятад оронд аялан жуулчилж байгаа тухай танилцууллаа. Эх сурвалжын мэдээнээс үзвэл, ирэх жилд Хятадын олон улсын жуулчлал компани " том авто машинаар аялах" бригад зохиох бодитой цагийн хуваарыг мэдэгдэх юм байна. Та бүхэн сонирхолтой бол манай аялал жуулчлал нэвтрүүлгийг анхааран сонсож байх болбуу. /Пэрлаймаа орчуулав/