Жил болгоны 11-р сарын дунд арав хоногт Манж үндэстэн өөрийхөө тусгай баяр—Банжин баяраа тэмдэглэдэг юм. Энэ баярын үеэр, Хятадын олон газар амьдарч байгаа Манж үндэстэн цуглаан, үзэсгэлэн, уран сайхны тоглолт зэрэг ажиллагаанууд хийж, баяраа ёслон тэмдэглэдэг байна. Хэдэн хоногийн өинө, Хятадын нийслэл Бээжинд Манж үндэстний хэсэг хүмүүс интернетийн сүлжээгээр дамжуулан, онцгой цуглаан хийж, энэ оны "Банжин баяр"-аа хамтаар тэмдэглэжээ. Сурвалжлагч ч Манж үндэстний хувиар уг цуглаанд оролцсон юм.

     Энэхүү цуглааныг "Өлзий бэлэгт Манж үндэстэн" хэмээх веб сайт "Банжин баяр" болохын өмнө өдөр нь санаачилж зохион явуулсан бөгөөд Бээжин хотын төв дэх Тянь Аньмэнь өргөн талбайг цуглаан хийх газар болгон сонгосон байна. Цуглаан болох тэр өдөр нь Хятадын олон газраас уг цуглаанд оролцохоор хүрэлцэн ирсэн Манж үндэстний веб сайт ашиглагчид манж тэрлэг, ууж зэрэг Манж үндэстнийхээ уламжлалт хувцасаар хувцасласан байлаа. Гэхдээ жирийн үед тэд ер нь ингэж гоёж чимдэггүй юм. Энэ нь олны анхаарлыг маш их татсан байлаа.

     "Банжин баяр" бол Манж үндэстний онцгой баяр юм. Тэр нь Манж үндэстний нэрийн үүсэлтэй холбоотой юм. Уг цуглаанд оролцсон сүлжээ ашиглагчдын нэг Шөү Тао хэлэхдээ: "Манж үндэстэн бол засгийн захиргааны тушаалаар буй болсон үндэстэн юм. 1635 оны билгийн улирлын 10-р сарын 13-ны өдөр тухайн үеийн Манж Чин улсын хаан зарлиг буулгаж, тэр өдрөөс эхлэн Зүрчин үндэстнийг Манж үндэстэн гэж өөрчлөн нэрлэсэн юм" гэжээ.

     Түүнээс хойш, Манж үндэстэн өөрийн үндэстнийхээ нэрийг өөрчилсөн тэр өдрийг "Бажин баяр" гэж тэмдэглэх болсон юм. "Банжин" гэдэг манж үг нь "шинэ амилал, хөгжил дэгжрэл" гэсэн утгатай юм. Хятад улсад өнөөдрийнг байдлаар 10 сая гаруй манжчууд оршин амьдарч байгаа бөгөөд Хань, Жуан үндэстний дараа л орж Хятадын гурав дахь том үндэстэн болж байна.

     Лю Фэй бол "Өлзий бэлэгт Манж үндэстэн" веб сайтын захирал юм. Тэр энэ удаагийн цуглааныг санаачилан зохион байгуулагчийн хувиар Манж үндэстний соёлын тухай өөрийн бодлоо ярьсан байна.

     "Манж үндэстний соёлыг бид залгамжилж мандуулах шаардлагатай байна. Хятадын үндэстний цөөнхүүдийн дотор, Манж үндэстэн өөрийнхөө үг хэл, үсэг бичигтэй юм, энэ нь маш чухал юм. Манжчуудын хувцас өмсгөлд манж тэрлэг бол маш нийтлэг онцлогтой байдаг. Өнөөдөр хүртэл бид манж тэрлэгээ уламжлан хадгалсаар ирсэн, хэв загвар, өнгө тарлан зэрэг талаар нь ч хөгжүүлж, орчин үеийн амьдралд уусган шингээсэн байна" гэж тэр хэллээ.

     Хань үндэстэнтэй урт хугацаанд холилдан суусны улмаас зонхилох Манжчууд манж хэлээ мартаж, хятад хэл, хятад бичгийг хэрэглэх болсон юм. Амьдралын зан заншлын талаар ч Хань үндэстэнтэй ялгаагүй болсон тул, үндэстний зан заншлын зонхилох нь бас мартагдахад хүрсэн байна. Хэ-бэй мужийн Баодин хотоос Бээжинд хүрэлцэн ирсэн сүлжээ ашиглагч Иргенжоло Чаовэй хэлэхдээ: "Би багаасаа түүхэнд маш сонирхолтой байсан, түүх тухай сурч судлахаар дамжин үндэстнийхээ соёлын талаар нэлээд ойлголттой болсон" гэлээ.

     Иргенжоло Чаовэй ээжийнхээ оёж өгсөн манж хувцасыг өмсчээ. Тэр хэлэхдээ, үндэстний баяр тохиох болгонд би энэ хувуасаа өмсдөг юм. Олон хүний бахдан биширсэн харцыг хараад, би маш баяртай явдаг гэлээ.

     Мэргэнжоло Юн-нин бол Бээжин нутагтай Манж охин юм. Тэрээр Манж үндэстний түүх, соёлд маш сонирхолтой байдаг. Тэр хэлэхдээ, сүлжээ ашиглагчдын ийм цуглааныг би маш их сонирхдог. Энэ нь хүмүүст солилцоо хийх боломж тохиол хангадаг байна гэжээ.

     "Өнөөдөр энэ цуглааныг зохион байгуулж байгаа нь маш сайн үйл явдал юм. Бид энд солилцоо хийж, Манж, Монгол, Хань үндэстний хошуудынхны аль нь ч гэсэнгүй бүр ярилцан зоогдож санаа сэтгэлээ ойлголцож байна. Бид цаашид хуучин Бээжин хотын тухай, Манж үндэстний тухай илүүхэн судлах санаатай байна, энэ нь Манж үндэстний соёлтой нягт холбоотой байдаг юм" гэж Мэргэнжоло Юн-нин тэмдэглэжээ.

     Хятадын умард нутгийн тэнгисийн эргийн хот—Тяньжинаас хүрэлцэн ирсэн Гуаржя-Ихүй хэлэхдээ: "Бээжинд ирээд би гэртээ харьсан шиг сэтгэгдэл төрж байна. Энд хэдийгээр миний таних хүнгүй ч гэсэн, эндэхийн үндэсний уур амьсгалд би уусан идээшсэн байна" гэлээ.

     Айшинжоло Жиньшэ бол Манж Чин улсын хаадын угсааны үр ач юм. Тэр өнөө их сугуульд профессороор ажиллаж байна. Тэр хэлэхдээ: "Би Манж үндэстний хэсэг залуучууд сайн дураасаа манж хэл сурч байгааг сонсоод маш баярласан. Үндэстнийхээ соёлыг бадруулан хөгжүүлэхийг би хүсч байна. Үндэстний соёл, уламжлалыг залгамжлах хүнтэй болсонд баяртай байна" гэжээ. /О.Дарамбазар орчуулж, Урангоо хянав/