Дэлхийн бөмбөрцөгийн хойд өргөрөгийн 30 градус хавиар дархан нууцгай газар маш олон байрлаж байдаг, Атлантын далайн Бермудагийн "чөтгөрийн гурвалжин"-аас аваад Египетийн парамид, хүн толгойт арслангийн барьмал, мөн аврага том чулуун хүн сэхүйсэн Чилийн арал эдгээр бүхэн нь оньсого шиг дархан нууцгай байдаг юм.

     Хятадын нутагт мөн энэхүү хойд өргөргийн 30 градус дээр Хуа шан уулын чулуун агуйнууд байрлаж байгаа юм. Эдгээр чулуун агуй нь мөн дархан нууцгай байдагаар хүн ардын сонирхол татаж байна. Хуа шан уулын эдгээр нууц агуй нь Хятадын дорнод нутгийн аялал жуулчлалын алдарт сайхан газар- Хуан шан уулнаас төдийл хол биш байрлаж, одоод хүрч иртэл Хятад улсад илрүүлсэн хамгийн их цар хэмжээтэй, ойлгохын аргагүй хамгийн олон нууцтай эртний зохиомол чулуун агуйнууд байгаа юм. Одоо та бүхэнд эдгээр чулуун агуйг танилцуульяа.

     Аялал жуулчлалын алдарт үзэмжит уул- Хуан шан уулнаас машинаар баруунш хоёр цаг явбал, асар их уул дов үргэлжилсэн газарт хүрэх юм. Долоон км үргэлжилсэн энэхүү уул толгодод жил болгоны хавар намрын хоёр улиралд хурц улаан цэцэг болон улаан баян цэцэг дүүртэл мяралзан дэргэрч байдаг болохоор хүмүүс энэ уулыг " цэцэгт уул" Хуа шань уул гэж нэрлэдэг юм. Та бүхэнд танилцуулах гэж байгаа чулуун агуй мөн энэ уулын хормойд нуугдаж байна.

     Архелогийн дүн шинжилгээ хийсэнээс үзэхэд, Хуа шан уулын нууц агуйнуудыг малтаж бүтээсэн он жилийг одоогоос 1700 гаруй жилийн өмнө гэж төсөөлж байна. Нэгэнт хайж олсон 36 чулуун агуйн дотор хамаг том нь 12000 хавтгай дөрвөлжин метр талбайтай, энэ нь сагсан бөмбөгний 10 талбайтай тэнцэх юм. Эртний чулуун агуйг илрүүлсэнээс одоо болтол хүмүүс түүний тухай олон талаар тааж, ойлгох хүсэлттэй байна.

     Тухайн орон нутгийн аялал жуулчлалын хөтөч хүүхэн Шао Шуанюань сурвалжлагчид, энэ агуйг нүхлэн бүтээснээс болж, Хуа шан уул бараг л хөндийрсэн юм. Тэхэд энэ агуйг малтан нүхлэх үе гаргасан чулуунуудыг нь хааш аваачсан нь одоо болтол оньсого хэвээр байна гэж хэлсэн юм.

     Энэ чулуун агуй ийм том болохоор, зөвхөн түүнээс малтаж гаргасан хад чулуу гэхэд л мондог их байх ёстой. Зөвхөн энэ агуйгаас малтаж гаргасан чулуугаар зам дэвсэх юм бол 240 км урт зам дэвсэгднэ. Гэвч манай нутгийн иргэдийн орон сууцыг бүр хар чулуугаар голцуу байгуулсан байна. Хуа шан уулын хад чулуу шиг ийм чулуун материал бараг харагдахгүй, Тиймээс хэдэн сая ам метр чулуу хаашаа алга болсон юм ? Энэ нь ч бас нэг оньсого байгаа юм гэжээ.

     Энэ их хад чулууг нь хааш аваачсан юм бэ ? гэдэг ойлгогдошгүй оньсого таавар байхаас гадна Хуа шан уулын нууц агуйд мөн ойлгохын аргагүй олон оньсого байгаа юм. 1700 гаруй жилийн өмнөх эртний хүн ард ямар техникт түшиглэн энэ том уулыг хөндийлсэн юм бэ ? Ийм том барилгын тухай ямар ч үсэг бичгийн тэмдэглэл байхгүй нь юны учир бэ ? гэдэгийг хүмүүс ойлгохын аргагүй юм.

     Эртний хүн ард энэ чулуун агуйнуудыг ямар зорилгоор нүхлэн бүтээсэн бэ ? гэдэг нь таахын аргагүй нууц байгаа юм. Хятад улсад илрүүлсэн эртний чулуун агуйнуудын зарим нь хүний оршин амьдрахад зориулагдсан буюу зарим нь Буддын шашны сүжигтэдийн бясалгал хийдэг газар байсан юм. Гэвч Хуа шан уулын ийм том чулуун агуй нь жирийн хүмүүсийн оршин амьдрахад зориулагдсан биш шиг юм. Тэр ч мөртөө агуй дотор нь ханын зураг ч гүй, бурханы хөрөг ч гүй болохоор Буддын шашны сүжигтэн нарын хамтаар бясалгал хийдэг газар ч биш шиг юм.

     Хуа шан уулын чулуун агуйн тухай ойлгогдошгүй оньсого тааварт сонирхолтой Лү шяопин сурвалжлагчид, Хуа шан уулын чулуун агуйг нүхэлсэн зорилгын тухай олон зүйлээр ярьж байдаг. Гэхдээ аль нь ч нотлогдоогүй гэж хэлсэн юм. Тэрээр хэлэхдээ:

     " Чулуун материал хэрэглэхийн төлөө энэ агуйг нүхэлсэн гэж бодоход, зөвхөн чулуу авах юм бол задгай малтаж болохгүй нь яадаг юм. Цэрэг суулгаж, ам хүнс хадгалах зорилгоор нүхэлсэн юм бол энэ газар тийм ч хуурай биш, Хааны бунхан байрлуулах гэж нүхэлсэн гэж бодоход, түүхийн бичиг сударт энэ чулуун агуйн тухай юу ч бичээгүй байна. Энэ бүхэн ёстой л ойлгогдошгүй юм гэжээ.

     Энэ олон агуйнуудын доторхи 35-р агуй бол асар том мөртөө үзэсгэлэнтэй агуй байгаа юм. Энэ агуйн тухай аялал жуулчлалын хөтөч хүүхэн Шао Шуанжуань танилцуулж хэлэхдээ:

     " Тухайн үед эртний хүн энэ агуйг юнд ташуу нүхэлсэн бол? Бид хэт улаан туяагаар хайн хэмжиж үзсэнд, яг уулын байцаа даган ташуулдсан нь харагдаж байна. Эртний хүн ард мөн ухаан сэргэлэн байсан нь мэдрэгдэж байна гэжээ.

     Энэ уулын агуйн тухай ийм олон оньсого таавар байдагын учир, дэлхийн олон орны хүмүүсийн сонирхол татаж, тэд нар энд ирж, чулуун агуйн нууцыг задлах хайлт хийж байна. Америк жуулчин Том касе бидэнд, чулуун агуйн нууц нь миний сонирхолыг ихэд татсан юм гэж хэлсэн юм. Тэрээр хэлэхдээ: Энэ агуй маш утга агуулгатай, ийм том агуйг би ер хараагүй. Энэ агуй 1700 гаруй жилийн түүхтэй болж байгааг бид ойлгосон, тэхэд энэ агуйг чулууун материал хэрэглэх зорилгоор нүхэлсэн гэхэд тэдгээр чулуу нь хааш алга болсон бол? Ийм олон жилийн өмнөх агуйд хэн сууж байсан бол? Цэрэг суулгаж байсан ч байж мэднэ. Энэ бүхний тухай ямар ч эш баримт алга байна гэжээ. /Пэрлаймаа орчуулав/