Бишгүй олон аянчин жуулчдын хувьд авч хэлбэл, далайн түвшнээс 3600 метр өндөрт өргөгдсөн Лхас хотын хөх цэнхэр агаар огторгуй, толь шиг тунгалаг Лхас гол, улаан цагаан өнгө алагласан ламын сүм нь тэд нарын сонирхол татаж байдаг төдийгүй, Лхас хотын том жижиг гудамжаар тархан байрласан түвд загварын жижиг буудлууд ч тэдний сонирхолыг татаж байдаг юм. Дэлхийн олон газрын хар шар олон өнгийн арьстан ястанууд төдий л том биш эдгээр буудалд бууж байдаг нь зөндөө тохионо. Тэд эдгээр жижиг буудлын нөхцөл байдлыг нь голдоггүй, харин сул сэлүү, эрх дураараа байдагт сонирхолтой юм. Одоо та бүхэнд Банакшүй гэсэн жижиг буудлыг танилцуульяа.

    Лхас хот бол нарны гэрэл түгээмэл туссан газар юм. Нар дулайсан нэг үдээс хойш сурвалжлагч Түвдээр уламжласан Буддын шашны том хийд Их Зуу хийдийн байгаа Бакур гудамжнаас гарч, хөл хөдөлгөөн ихтэй Бээжин дүн лү гудамжыг зорьж хүрсэн юм. Манай хүрэх гэж байгаа Банакшүй буудал даруй энэ Бээжин дүн лү гэсэн гудамжинд байдаг юм.

     Түвд стелийн бусад жижиг буудалтай адилхан энэ Банакшүй буудлын үүд хаалга нь төдий л том биш, гудамжны олон янзийн дэлгүүр худалдааны дунд хавчигдан, анхаарахгүй бол харагдахгүй шахам байлаа. Харин буудлынхаа нэрийг Хятад, Түвд, Англи гурван төрлийн үсгээр хаягласан болохоор, жуулчид түүнийг маш хялбархан олж хардаг байна.

    Жижиг буудлын бүртгэлийн газарт сурвалжлагч үүрэвчтэй нэг охинтой уулзав. Хятадын өмнөд нутгийн гуандунгаас энд ирсэн Ли Бичян бидэнд хэлэхдээ:

    " Би өөртөө үйлчлэх жуулчлалын веб сайт дээрээс энэ буудлыг олсон юм. Энэ жижиг буудлын үнэ нь хямд мөртөө хотын дунд байрлаж байна. Хамаг чухал нь энэ буудал бол Түвд загварын буудал байгаа юм. Би ийм буудалд буух сонирхолтой, тийм болохоор би энд буусан, маш аятайхан санагдаж байна гэжээ.

     Банакашүй шиг ийм түвд загварын жижиг буудлууд улам олон үүрэгчин жуулчдын таашаал хүлээж байна. Нөхцөл болзол нь хялбар дөхөмхөн, жижиг өрөөтөй эдгээр буудлууд нь яг л тусгайлан залуу хүмүүст зориулагдсан залуучууд буудал шиг юм. Ийм буудалд буусан зочид, нутгийн үнэр амттай сүүтэй цай ууж, мөн анхилам сайхан Ирланд кофи ууж болох юм байна. Хятадын болон гадаадын хэв стелийг ингэж хослуулан уялдуулсанаар, Лхас хотод Түвд загварын жижиг буудалд зочин гийчин дүүрч, том зочид буудлаас өчүүхэн ч дутахгүй сайн байна.

     Лхас хотод үүнтэй адилхан Түвд загварын жижиг буудал арав гаруй байна. Тэхэд Банакшүй гэсэн энэ буудал нь нэлээд алдартай буудал болоод байна. Лхас хотын анхдагч Түвд загварын жижиг буудал болсоны хувьд энэ буудал дотоод гадаадад алдартай. Энэ буудал бол Дэлхийн аялал жуулчлалын байгууллагын үнэлэн шалгаруулсан бүх бөмбөрцөгийн арван шилдэг уулан буудлын алдар цолыг хүртсэн Хятадын анхны буудал болох юм. Уулан буудал гэдэг нь өндөрлөг буюу өндөр уулан районд аянчин жуулчдыг хүлээн авч зочилдог хямд буудлыг хэлж байгаа юм.

     Хэдийгээр хямд буудал гэдэг боловч, Банакшүй буудлын нэр хүнд нь хямддаа л байгаа биш.Та хэрбээ тэнд буух юм бол маш олон онцгой талтайг нь ойлгож болох юм.

     Банакшүй буудлын хашаанд нэг зар сурталчлагын самбартай. Түүн дээр янз бүрийн агуулгатай үг үлдээсэн харагдна. Зарим нь машин түрээслэх гэж байна, зарим нь ачаагаа бусад хүнд шилжүүлэх гэж байна, бас зарим нь аян замын хань хайж байна. Шянган охин Жүн Иншинь хэтхээн хоногын өмнө энэхүү самбар дээр үг үлдээж, хамт аялах найз хайсан юм байна.

     Тэрээр хэлэхдээ:би ер нь жуулчлал компани дагаж явдаггүй, жуулчлал компаньтай явах нь өөрийн эрх чөлөөгүй, заавал тэр жуулчлал компанийн санаагаар явах хэрэгтэй байдаг. Би энэ самбар дээр бичиг бичээд үлдээсэн, хоёр найз хайж, хамт аялах хүсэлтэй байна гэжээ.

     Мэдээ занги солилцохоос гадна Банакшүй нь бас ч хүмүүсийн солилцоо хийх сайн газар юм. Явцуу жижиг, дөхөм авсаархан орчинд хүмүүс бие биетэйгээ нэн хялбар ойртдог байна.Дэлхийн олон газраас ирсэн жуулчид энд хөл тавьсаныхаа дараа, аялалын замын баяр баясгалан болон хүчир зовлонгоо тоочиж, сэтгэлээ хуваалцаж, дотнын найз бололцдог байна.

     Банакшүйн хашаанд төмрөөр урласан нэг жижиг цэцэрлэгт хүрээлэнтэй. Энэ жижиг цэцэрлэгт хүрээлэнгийн баруун талд нь цайны хэдэн ширээ засаж, дээгүүр нь наран саравчтай. Тэнд жуулчид хоолонд орон, цай ууж, ном үзэх буюу зоог дэлгэж байдаг.

     Сь чуан мужаас үүргээ үүрэн ирсэн ноён Жан Шүкай сурвалжлагчид хэлэхдээ:

     Банакшүй буудалд янз болгоны хүн сууж байна. Дотоодын, гадаадын жуулчид гэсэнгүй бүр л үүргээ үүрч, өөрийн дураар жуулчилж байгаа хүмүүс юм. Заримдаа энэ цайны газар арав хорин хүн цуглан цай уудаг бөгөөд бүр л тэнд суугаад мэлэрчхэсэн байх юм. Харин ч бие сэтгэлийн чилээ тайлах аятай газар юм. Дахиад хэлбэл, энд маш олон найзтай танилцаж болох юм гэжээ./Пэрлаймаа орчуулав/