Сайн-Өлзий: Сайн байцагаана уу. Сайхан өвөлжиж байна уу. Намайг Сайн-Өлзий гэдэг, би бол ХОУР-ын сэтгүүлч. Би одоо нэгэн хүндэт зочныг утсаар сурвалжилж байна. Энэ хүн бол Шилийн гол аймгийн үндэстний тамирын сургуулийн дарга Цагаан-Занаа болох юм. Та сайн байна уу. Сайхан өвөлижиж байна уу?

    Цагаан-Занаа: Сайн. Та сайн байна уу?

    Сайн-Өлзий: Сайн, сайн. Та юуны өмнө өөрийн сургууль Шилийн гол аймгийн үндэстний тамирын сургуулиа манай радио сонсогчид танилцуулж өгөх үү.

    Цагаан-Занаа: За, за. Манай Шилийн гол аймгийн үндэстний тамирын сургууль бол бөхөөр гол болгосон тамирын сургууль болох юм. Анхандаа Өвөр монголын хятад маягийн бөхийн сургууль байсан юм. Өвөр монголоо төлөөлж олон удаа улсын тэмцээн болон олон улсын тэмцээнд оролцож, олон удаа шилдэг амжилт олж байсан юм. Мөн ч Шилийн голын одоогийн барилдаж байгаа аврагууд бүгд манай тамирын сургуульд дасгал боловсрол хийж гарсан юм. Иймээс манай Шилийн гол аймгийн үндэстний тамирын сургуулийг аврагийн өлгий гэж, Шилийн гол аймгийг бөхийн өлгий гэж хэлдэг юм.

     Сайн-Өлзий: Таны сургуулиас төгссөн бөхийн дотроос хэн хүн улсын тэмцээн, олон улсын тэмцээнд авраглаж байсан вэ?

     Цагаан-Занаа: Манай сургууль голцуу хятад бөх, монгол бөхөөр суурь болгож, дасгал сургууль хийж байна. Үүнээс гадна бас чөлөөт бөх, Жудо бөхийг ч тусгай дасгал боловсрол хийж байна. Бодитой хэлвэл өнөө Жирмийн бөхийн ангид байгаа Заяа бол манай тамирын сургуулиас гарсан бөхчин болох юм. Тэгвэл өнөө Өвөр монголоо төлөөлж, сайн барилдаж байгаа Хос-Баяр, хуучин барилдаж байсан Бөх-Чулуу, өнөө Хөххотод байгаа Гончиг багш зэрэг манай тамирын сургуулиас төгссөн Шилийн гол аймгийн олон бөхчүүд улсын тэмцээнд, олон улсын тэмцээнд олон удаа алтан медаль авч авраглаж байсан юм.

     Сайн-Өлзий: Танай тамирын сургууль голцуу бөх бэлтгэн хүмүүжүүлдэг юм байна. Тэгвэл бөхийн талаар Монгол улстай харилцаа холбоотой юу? Үүний тухай яриж өгөх үү?

     Цагаан-Занаа: Манай тамирын сургууль наяаад оноос эхлэн Монгол улстай бөхийн талаар харилцаа холбоо байгуулсан юм. 1987 онд Монгол улсын Сэлэнгэ аймагийн биеийн тамир спортын хороотой харилцаа холбоо тогтоож, хоёр аймгийн бөхийг харилцан айлчлууж, харилцан солилцоо хийж байсан юм. Сүүлийн жилүүдэд Шилийн гол аймагт монгол бөхийн их шагналт уралдаан хийх болсны дараа Монгол улсаас бас их сйан барилддаг бөхчүүд ирж оролцох болж, бид бөхийн арга маяг, мэрэгжлийн талаар маш сайн солилцоо хийх боллоо. \Г. Сайн-Өлзий бэлтгэв.\