Энэ оны 1-р сарын 29-нд Хятадын хамгийн том уламжлалт баяр болох цагаан сарын шинийн нэгэн тохиолоо. Цагаан сараа тэмдэглэж, баярын цэнгүүнд оролцох бол Хятадын ард иргэдийн зуршил болсон зүйл юм.

     Цагаан сарын цэнгүүн гэдэг нь голцуу сүм хийд болон цэцэрлагт хүрээлэнд зохиогддог зугаа цэнгүүн, аялал жуулчлал, аралжаа наймааг хамтруулсан нийт олны цуглаан болох бөгөөд мөн ч Хятадын өнө удааны түүхтэй ардын зан зуршил, соёл урлагийг харуулах сайхан боломж тохиол болох юм. сүүлийн жилүүдэд Бээжингийн цагаан сарын цэнгүүн тасралтгүй өргөжиж, соёл урлагийн агуулга нь баялагжсаар байна. Ди тань цэцэрлэгт хүрээлэнийн цангүүн бол хуучин Бээжингийн 8 том цэнгүүний нэг юм. 40 гаршуй га талбайтай Ди тань цэцэрлэгт хүрээлэн 1530 онд байгуулагдсан билээ. Энэ нь фиодлын хаад ноёдын эх дэлхийг тахидаг газар байсан юм. 1985 оноос эхэлж, энд жил болгоны цагаан сар бүр сүмийн цуглаан буюу цагааны сарын цэнгүүн зохион байгуулдаг болсноор энэ газар нь дотоод гадаадынхны цагаан сарын амралтаа өнгөрүүлж тав тухтай аялан зугаалах сайхан газар болсон байна.

     Бээжин хотын зүүн тойргийн цэцэрлэгт хүрээлэнгийн ажил эрхэлсэн газрын дарга Ван Жүн хуа энэ жилийн цэнгүүнийг зохион байгуулсан тухайгаа танилцуулж хэлэхдээ, энэ жилийн орчин тойрны зохицуулалт өнгөрснийхийг бодвол чанар чансааны талаар маш их сайжирсан. Ордны маягийн өнгөт дэнлүү өлгөж, шинэ материалаар бэлэгт гөрөөс зохиож, бас улаан хос уянгууд нааж, эртний ордон харш сүм хийдийн дүрс зураг гаргаж, алтан шар өнгөтэй цамхаг хийж, Бээжин ший тоглоход буддаг шиг нүүрний хөрөг зураг нааж, өлзийн зангиа, цэцэгт бөмбөлөг, өнгөт шүхэр зэргийг өлгөснөөр баярын өдрийн хөөр хөгжөөнтэй уур амьсгал бүрдүүлж чадсан юм гэжээ.

     Тус цэцэрлэгт хүрээлэнгийн цэнгүүн 1-р сарын 28-аас 2-р сарын 7-ны хооронд явагдаж байна. Энд газар тахих ёслолын тоглолт зэрэг ардын зан зуршлын үзүүлэх тоглолт үзүүлж байхаас гадга бас гар урлалын бүтээгдэхүүн, хатаасан цэцгүүд, цагаан сарын уран зураг, нутаг нутгийн хоол унд зэргийг зарж байна. Хүүхдийн дамруу, домбор, сархиул гэх зэргийн эртний олон зүйлийн баларлаг тоглоом нь ч хүмүүсийн анхаарлыг их татаж байна.

     Уламжлалт чамин барааны захад шавар хүүхэлдэйний их мастер Жан Юй Жюань, цаасан хайчилбарын их мастер Жао Цай шюань, хаш эдлэлийн их мастер Ше Лань шян зэрэг ардын гар урлалын их мастерууд ч тус цэцэрлэгт хүрээлэнгийн цэнгүүнд оролцож ард олондоо ур авьяасаа гайхуулж байна. Энд бас Бээжингийн ардын зан зуршлын соёлын яриа уулзалт зохион байгуулж, энэ талаар гүн судалсан 7 эрдэмтнийг урьж Бээжингийн нэрт газруудын тухай танилцуулж байна. Үүнээс гадга бас урлагчдийг зохион байгуулж, арслан бүжиг, Манж янгоо, Солонгос бүжүг зэргийг тоглуулж байна. Ди Тань цэцэрлэгт хүрээлэнгийн цагаан сарын цэнгүүний зохион байгуулах комиссын гишүүн Ян Шяо дүн хэлэхдээ, энэ жилийн цэнгүүнийг өнгөрсөний үндсэн дээрээ соёлын шинэ шинэ агуулга нэмэж, жуулчдыг хоор хооронд нь харилцуулах, тоглолтод оролцуулах, цэнгүүнд тоглуулах зэрэг арга хэмжээ зохион юм гэжээ.

     Бээжингийн зүүн өмнөд хэсгийн Лүн Тань хү цэцэрлэгт хүрээлэнгийн цэнгүүн нь биеийн тамирын наадмаар гол болгон ардын зан зуршлын наадмыг уялдуулж, Афины олимпийн наадмын эмэгтэйн бөхийн аварга Ван Шюй нарын зэрэг жюдо, бокс, текондо, олон төрлийн шатар зэргийн нэрт тамирчдыг урьж оролцуулж байна.
Бай Юнь гуань сүм бол Бээжингийн бомбын шашны сүм юм. Энд чулуун арслангаас адис авах, элжиг унах, сүүхэнд сууж сажлуулах зэргээс гадна эртний уран зураг бичиг сонирхож, оньсого тааж шагнуулах зэрэг ажиллагаа явагдаж байна. Энд зуршил ёсоороо шинийн нэгний өглөө эрт хүмүүс шинэ нэгэн жилдээ нар хур нь тэнцэж, ард иргэд амар амгалан жаргаж, улс гүрэн өнгө өөд байхыг бэлэгдэж даатгал үйлдсэн байна.

     Чао ян цэцэрлэгт хүрээлэнд болж байгаа цагаан сарын цэнгүүн нь бусад газрынхтай адилгүй юм. Энд гадаадын зан зуршлыг үзүүлэхээр гол болгож, гадаадын их олон уран бүтэлчдийг урьж авчраад тоглуулж байна. Чао ян цэцэрлэгт хүрээлэнгийн олон улсын зан зуршлын 4-р наадмын зохион байгуулах комиссын дарга Жинь Ри шүнь танилцуулж хэлэхдээ, энэ жил голцуу Итали, Англи, Оросын ардын урлагчдыг урьж тоглуулж байна. Эндээс хүмүүс гадаадын яруу сайхан тоглолт сонирхож болохоос гадна бас дэлхийн олон орны амтат идээ будааг амталж, уран нарийн хийцтэй гар урлалын бүтээгдэхүүнийг худалдан авч болох юм гэжээ. /Э.Цогжилмаа найруулан орчуулав/