Сайн-Өлзий: Сайн байцагаана уу. Сайхан өвөлжиж байна уу. Намайг Сайн-Өлзий гэдэг, би бол ХОУР-ын сэтгүүлч. Найрамдлын гүүрийн шинэ дугаар та бүхний амар амгаланг айлтган золгож байна. Би одоо нэгэн хүндэт зочинтой утсаар холбогдож байна. Энэ хүн бол Шилийн гол аймгийн үндэстний тамирын сургуулийн намын хорооны дарга Буянт багш болох юм. За, Буянт багш маань сайн байна уу. Сайхан өвөлжиж байна уу?
Буянт: Сайн сайн та нар сайн байна уу?

     Сайн-Өлзий: Сайн сайн. Та 2004 оны 7-р сард Монголын үндсний бөхийн холбооны тэргүүлэгч Нямдаржийн урилгаар Шилийн гол аймгийн соёл тамирын төлөөлөгчдийн нэг гишүүний хувиар Монголд айлчлаж байсан. Өнөөдөр та энэ айлчлалынхаа тухай манай сонсогчидод танилцуулж өгөх үү?

     Буянт: Манай Шилийн гол аймгийн соёл тамирын төлөөлөгчид Монголын бөхийн холбооны тэргүүлэгч Нямдаржийн урилгаар 2004 оны 7-р сарын 9-ны өдөр Монгол улсад айлчласан юм. Манай айлчлалын гол зорилго бол Монгол улсын үндэсний их баяр наадмыг сонирхох явдал байв.

     Сайн-Өлзий: Монгол улсад айлчласан Шилийн гол аймгийн соёл тамирын энэ төлөөлөгчдийн бүрэлдэхүүний тухай та манай сонсогчидод юуны өмнө танилцуулж өгөх үү?

     Буянт: Манай Шилийн гол аймгийн соёл тамирын Монголд айлчласан төлөөлөгчид нийт 10 хүнээр бүрэлдсэн юм. Төлөөлөгчдийн тэргүүн бол Шилийн гол аймгийн соёл тамирын товчооны дэд дарга Унгай, төлөөлөгчдийн дэд дарга бол манай Шилийн гол аймгийн үндэстний тамирын сургуулий дарга Цагаан-Занаа болох юм, уг төлөөлөгчдийн ерөнхий дасгалжуулагч нь би өөрөө болох юм. Төлөөлөгчдийн бүрэлдэхүүнд бас 7 бөхчин \тамирчин\ байна.

     Сайн-Өлзий: Та нарын Монголд айлчласан үе бол Монгол улсын үндэсний их баяр наадмын үе болох юм. Мэдээж хэрэг, энэ их баяр наадмын сонирхсон байх, энэ тухай ярих уу?

     Сайн-Өлзий: Бид Монгол улсад голцуу наадам үзхээр очсон юм. Монгол улс үндэсний их баяр наадмаа жил бүрийн 7-р сарын 11-ны өдөр хийдэг юм. Наадамдаа голцуу монгол үндэстний эрийн гурван наадмыг гол зохион байгуулж байдаг юм байна. Бид энэ талаар үзье, харья, суралцая гэж бодсон юм. Монгол бөхийн барилдах талаар ч гэсэн Өвөр монгол болон Монгол улс хоорондоо адилгүй байна. Жишээлвэл хувцасны талаар, дүрэм тогтоолын талаар бүр адилгүй зүйл байна. Монгол улсад барилдах үе хөлд гар хүндэж болдог, манай Өвөр монголын бөхд хөлөнд гар оролцож болдоггүй юм. Монгол улсын бөхийн зодог шуудаг нь манай Өвөр монголын бөхтэй бас адилгүй байна. Энэ талаар харилцан суралцаж, харилцан солилцоо хийсэн юм. Энэ нь мөн ч манай энэх айлчлалын гол зорилго болох юм. Монгол улсын монгол бөхийн барилдаж байгаа нь дэлхийн бөхтэй их ойролцоо байх шиг санагдсан юм.

     Сайн-Өлзий: бөхөөс гадна та нар бас Улаанбаатар хотыг сонирхолоо. Энэ тухай сэтгэгдэл ямар байна?

      Буянт: Би Улаанбаатар хотыг сонирхолоо. Улаанбаатар хот Туул голын хөндийг дагаж, дархан цаазтай Богд уулын араар байгуулсан юм байна. Улаанбаатарын зээл гудамжаар явж, Сүхбаатар талбайд ч хүрч үзсэн юм. Бас нэг сонирхолтой зүйл гэвэл Улаанбаатар хотын орчиндоо маш олон монгол гэрүүд байсан юм. Эдгээр монгол гэрүүд нь Улаанбаатарыг тойроод хэдэн арван мянгаар үргэлжлэж абйлаа. \Г. Сайн-Өлзий бэлтгэв.\