Иргэдийн санал оруулалт болон мэргэжилтдийн шалгаруулалтаар "2005 оны Хятадын эдийн засгийн салбарын жил тутмын шилдэг хүмүүс"-ийг саяхан албан ёсоор тодрууллаа. Эдийн засгийн салбарын шилдэг хүмүүсээр шалгарсан 10 хүн бол пүүс компанийн эзэд болно. Тэдний олон нийтийн анхаарлыг татсан, мэргэжлтдийн сайшаалыг хүлээсэн шалтгаан учир нь харилцан адилгүй байлаа ч гэсэн, пүүс компанийн эрхлэлтийн үр дүн, түүнээс Хятадын эдийн засаг болон нийгмийн хөгжилд үзүүлсэн хувь нэмэр зэрэг нь нэр дэвшигч болсны чухал хүчин зүйл болох юм.

     Хятадын эдийн засаг сүүлийн 20 гаруй жилд дэлхий нийтийн анхаарлыг татсан ололт амжилтанд хүрч, дотоодын үйлдвэрлэл нь жил тутамд 9% гаруйгаар өссөн нь Хятадын эдийн засгийн нийт хэмжээг 2004 онд дэлхийд 6-р байранд оруулсан байна. Эдийн засаг түргэн өсөхийн зэрэгцээ, Хятадын пүүс компаниудад шинийг үүдэх хүчин чадвар доор, бараа бүтээгдэхүүний нэмэлт өртөг бага зэрэг асуудлууд улмаар газар авах боллоо. Эдийн засгийн хөгжлийн түвшнээ хэвээр хадгалахын тулд, бие даасан оюуны өмчийн эрхтэй шинэ технологийн бүтээгдэхүүн судлан үйлдвэрлэхийг хүмүүс пүүс компанид хандан уриалах болсон юм.

     Иймэрхүү нөхцөл байдалд, пүүс компаниа удирдан тоон технологийн мультмедиа чип—"Хятадын чип"-ийг судлан үйлдвэрлэж бас 6 жилийн дотор дэлхийн компьютерын түрс бичлэгийн чипийн 60%-иас дээших захыг эзэлсэн Хятадын Жүн Шин Электорник ХХК-ийн гүйцэтгэгч тэргүүн захирал (CEO) ноён Дэн Жүн-хань 2005 оны Хятадын эдийн засгийн жил тутмын шилдэг хүмүүсийн дээд шагналыг авсан байна. Шагнал гардуулах ёслол дээр, Дэн Жүн-хань хэлэхдээ, пүүс компани шинийг үүдэхээр зорилтоо болгох нь Хятадын эдийн засгийн ирээдүйн хөгжлийн зайлшгүй чиг хандлага болох юм гэжээ.

     "Бие даан шинийг үүдэх замаар хүчин зүтгэж яваа нэг үеийн хүмүүсийн өмнөөс энэхүү шагналыг тосч байна гэж би ойлгож байна. Энэ нь зах зээлээр удирдамж болгож, пүүс компанийн шинийг үүдэхээр гол цогцоо болгон, бие даасан оюуны өмчийн эрхтэй болохоор чухал агуулга болгосон шинийг үүдэх хэлбэртэй эдийн засгийн тогтолцоог бид тогтоосныг харуулж байгаа юм" гэж Дэн Жүн-хань тэмдэглэжээ.

     Дэн Жүн-хань болон түүний компани нь Хятадын эдийн засгийн хөгжлийн замналын шинэчлэлийг төлөөлж байгаа бол, Хятадын Тэнгис Далайн Газрын Тосны Компанийн ерөнхий захирал Фү Чэн-юйгийн шилдэг хүнээр шалгарсныг Хятадын пүүс компанийн гадагш өргөжих гэсэн хөгжлийн үзэл баримтлалыг нь их олон хүн дэмжин нотолж байгааг харуулж байгаа юм.

     2005 онд Хятадын Тэнгис Далайн Газрын Тосны Компани нь Америкийн газрын тосны 9-р тос компани—Unocal компанийг 18 тэрбум 500 сая ам.доллароор худалдан авах гэсэн санал дэвшүүлсэн боловч, Америкийн дотоодын улс төрийн дарамтын нөлөөгөөр энэхүү ажил нь бодитой үр дүнд хүрч чадсангүй. Энэхүү үйл хэрэг нь Хятадын газрын тосны салбарынхан цаашлаад Хятадын бүхий л пүүс компанийнханд бүр үлэмж их ашигтай явдал болсон юм гэж Фү Чэн-юй үзсэн байна.

     "Хувьцаа эзэмшигчид маань бид ялагдлаа гэж үзээгүй, учир нь бид олон улсын хөрөнгийн захад олон улсын журам горимын дагуу өрсөлдөгчтэйгээ хүчээ сорьсон юм. Та бидний бүр мэдэж байгаа учир шөлтгааны улмаас тохиролцоонд хүрч чадаагүй ч гэсэн, хувьцаа эзэмшигчид манай ажиллагааг сайшааж, хөрөнгийн захынхан биднийг боловсронгуй болсон аж ахуйн нэгж гэж үзэж байна. Үүнээс гадна, энэхүү сорилт нь олон улсын зах дахь Хятадын пүүс компанийн төрх байдлыг үзүүлсэн юм, энэ бол мөнгө дөгрөгөөр худалж авч чадах зүйл биш юм" гэж Фү Чэн-юй хэллээ.

     2005 оны Хятадын эдийн засгийн жил тутмын шилдэг хүмүүсээр шалгарсан төрийн өмчийн аж ахуйн нэжгийн эздэд бас И Ли Корпорацийн зөвлөлийн дарга Пань Ган, Хятадын Юань Ян Тээврийн Корпорацийн ерөнхий захирал Вэй Жя-фү, Вэй Цай Хөдөлгүүр Хүчний ХХХК-ийн зөвлөлийн дарга Тань Шюй-гуан, Хай Шинь Корпораци Компанийн зөвлөлийн дарга Жөү Хөү-жянь нарын зэрэг хүмүүс бий.

     Эдийн засгийн салбарын шилдэг хүмүүсийн энэ удаагийн шалгаруулалтын бас нэгэн онцлог зүйл бол хувийн хэвшлийн аж ахуйн нэгжийн эзэд болон төрийн өмчийн аж ахуйн нэгжийн эзэд тус тус тал хувийг эзэлсэн явдал болно. Энэ онд эдийн засгийн салбарын жил тутмын дээд шагнал хүртсэн Дэн Жүн-хань, хот орж хүлсний ажил хийж байгаа тариачдад туслалцаа үзүүлэх санг Хятад улсад анхлан байгуулсан Да Лянь хотын Вань Да Корпорацийн зөвлөлийн дарга Ван Жянь-линь, Хятадын бие даасан нэрт маркийн суудлын машины үйлдвэрлэх салбарт хошуучилж яваа Чи Рүй Авто Машины Компанийн зөвлөлийн дарга Инь Түн-яо, Сань И Корпорацийн зөвлөлийн дарга Лян Вэнь-гэнь, Бай Дү Нет Сүлжээний Техникийн ХХК-ийн гүйцэтгэгч тэргүүн захирал   (CEO) Ли Янь-хун нар бол хувийн хэвшлийн аж ахуйн нэгжийн эздийн төлөөлөгчид болно. Бүх Хятадын Үйлдвэр Худалдааны Холбооны дарга Хуан Мэн-фү хэлэхдээ, тэдний шалгарсан нь хувийн хэвшлийн эдийн засаг Хятадын эдийн засагт гүйцэтгэх үүрэг нь байнга эрчимжиж байгааг харуулж байгаа юм гэжээ.

    "Хятадын хувийн хэвшлийн эдийн засаг нь Хятадын 75%-иас дээших хөдөлмөр хүчийг ажлын байраар хангах асуудлыг зохицуулж, Хятадын хувийн хэвшлийн эдийн засаг, хувийн хэвшлийн пүүс компанийн эзэд нь Хятадын эдийн засаг болон нийгмийн хөгжилд гарамгай хувь нэмэр оруулж байна" гэж Хуан Мэн-фү тэмдэглэжээ.

     Энэ удаа эдийн засгийн салбарын 10 шилдэг хүнийг шалгаруулснаас гадна бас нийгэм нийтэд асар их хувь нэмэр оруулсан хүнийг шагнах тусгай шагнал гаргаж, түүнийг Хятадын эдийн засаг болон нийгмийн зохицонгуй хөгжлийг ахиулах талаар хүчин чармайлт ажилласан хүнд олгож алдаршуулан сайшаасан байна. Олон улсын байгаль орчин болон хөгжлийн том шагнал—Софие шагнал хүртэгч Хятадын анхны иргэн, Бээжин хотын "Ди Чю Цүнь" Байгаль Орчны Соёлын Төвийг үндэслэн байгуулагч хатагтай Ляо Шяо-и энэхүү шагналын эзнээр шалгарчээ. Эдийн засаг түргэн хөгжиж байгаа нь Хятадын байгаль орчинд асар их дарамт болж байгаа болохоор, байгаль орчныг хамгаалах ажилд Засгийн газар, пүүс компани болон олон нийт хамтаар оролцох шаардлагатай байна гэж Ляо Шяо-и үзсэн байна.

     "Өнөөдөр надад ийм их том шагнал хүртээсэн нь Засгийн газар болон нийгэм нийтээс байгаль орчныг хамгаалах олон нийтийн байгууллагын ажлыг сайшаан дэмжиж хүсэл найдлага тавьж байгааг харуулж байгаа юм. Эдийн засаг хэдий түргэн хөгжих тусмаа хүмүүс нийгмийн шударга байдал болон байгалдь орчны хамгаалалтад нэн анхаарах болж байна" гэж тэр хэллээ.

     2005 оны Хятадын эдийн засгийн салбарын шилдэг хүмүүсийг шалгаруулсан ажиллагаа нь Хятадын олон талынхны анхаарлыг өргөнөөр татаж, зөвхөн холбогдох веб сайтын хийсэн бүрэн бус бүртгэлийн дүнгээс үзэхэд хэдэн сая хүн интернетийн сүлжээгээр саналаа өгсөн байна. "2005 онд Хятадын эдийн засгийн бүтэц цаашид сайжирч, хувийн хэвшлийн эдийн засаг улмаар идэвхжин, шинэ техникийн аж ахуйн нэгж ялангуяа бие даасан оюуны өмчийн эрх болон зангилаагийн техник эзэмшсэн үйлдвэр аж ахуйн нэгж байнга нэмэгдлээ. Үүний зэрэгцээ, байгаль орчны хамгаалалт, эрчим хүчний хэмнэлт зэрэг нь ч бүх нийгмийн анхаарлын төвд орсон асуудал болсон юм. Эдгээр нь Хятадын эдийн засаг нэн сайн сайхан чиглэлээр, нэн зохицонгуй хөгжиж байгааг харуулж байна" гэж эдийн засагчид үзжээ. /О.Дарамбазар найруулан орчуулав/