Хятадын дотоодын эдийн засаг болон гадаад худалдааны хөгжихийг дагалдан, Хятадын шуурхай шуудан үйлчилгээний ажил төрөл ч түргэн хөгжиж байна. Өнөө Хятадын шуурхай шуудан компани хэдэн зуун мянгад хүрээд байна. Гадаад шуурхай шуудан үйлчилгээний том том компаниуд гадаадын зах зээлд орж ирснээр, Хятадын шуурхай шуудангийн аж ахуй ннэгжүүдэд үйлчилгээний чанар чансаагаа цаашид дээшлүүлж, гадаадын ажил нэгтэдтэй өрсөлдөж, хамтран ажиллах явцдаа оршин тогтнож, хөгжих шаардлага тавигдаж байна гэж мэрэгжилтэд үзэж байна.

      Жинь Сюн бол Шанхайн Я мэй шуурхай шуудан компанийн ерөнхий захирал. Хэдэн жилийн өмнө шуурхай шуудангийн нэг компанийн алдаагаас болоод түүний бэлэн хувьцасны компанид 100 мянган ам долларын хохирол учруулжээ. Энэ нь Жинь Сюнг өөрөө шуурхай шуудан компани ажиллуулахад хүргэсэн байна. Жинь Сюнгийн байгуулсан Я мэй шуурхай шуудан компани хүч хөрөнгө нимгэн, гадаадын том компаниудтай өрсөлдөх хүчин чадал байхгүй, дотоодын зах зээлд том жижиг олон арвин компаниуд олон жил өрсөлдөж байгаа болохоор, Жинь Сюн компанийхаа үйл ажиллагааг Америк Хятад хоорондын шуурхай шуудангийн чиглэлээр явуулахаар тогтоожээ.

     Хэдэн жилийн дараа Жинь Сюнгийн энэх гэнэн шийдвэрийг алс холын хараатай шийвдэр байна гэж мэргэжилтэд үнэлж байна. Хятадын эдийн засаг түргэн хөгжиж, Хятад Америкийн худалдаа байнга нэмэгдэж байгаа болохоор Хятад Америкийн тусгай шугамын шуурхай шуудан үйлчилгээ үйлчлүүлэгчдийн баяр талархлыг хүлээж байна. Ноён Жинь Сюн хэлэхдээ: жишээлж хэлэхэд Америк дахь үйлчлүүлэгчид Хятадад илгээмж явуулабал, бид олон улсын шуурхай шуудангийхтай адил, илгээмжийг бүгдийг цуглуулж, дахин салган хувиаж байгаад Хятадад уруу явуулахгүй. Бидний ажиллагаа бол илгээмжийг дор нь нисэх онгоцны буудалд хүргэж явуулдаг. Инггэж хийх нь илгээмжийг бусдынхаас хагас юа уу нэг өдрийн өмнө хүргэж чаддаг байна. Энэ нь тусгай шугамын шуурхай шуудан үйлчилгээний онцлог нь болно. Ингэж ажилласнаар эхний жилд үйлчлүүлэгч олон болсон байна гэжээ.

     Арваад жилийн турш Жинь Сюн шиг бизнесменүүд олноор энэх ажил төрлийг эрхэлсэн байна. Материалд бүртгэсэн тоо баримтаас үзэхэд, төрийн аж ахуй нэгжээс гадна иргэний эрхэлсэн хэдэн зуун мянган шуурхай шуудан үйлчилгээний аж ахуйн нэгж байгаа бөгөөд үүнд хэдэн сая хүн ажиллаж байна. Үүнээс гадна DHL，FEDEX，UPS，TNT зэрэг гадаадын том компаниуд Хятадын зах зээлд орж ирж, шуурхай шуудан үйлчилгээний сүлжээгээ хөгжүүлж байна.

     Хятадын иргэдийн хөрөнгө мөнгө болон олон улсын бараа гүйлгээний том компаниуд Хятадын зах зээлд орж ирж байгаа нь энэх зах зээлд худалдааны асар их боломж тохиол байгаагаас болж байна. Төсөөлж байгаагаар, өнөө Хятадын шуурхай шуудангийн зах зээл бараг 20 тэрбум юаний цар хэмжээтэй байгаа. Ирэх хэдэн жилд 25 хувийн өндөр хурдцаа хэвээр байлгах болно. Бүр эрт 20-р зууны 80-аад оны эхээр олон улсын шуурхай шуудан үйлчилгээний компани Хятадын зах зээлд орж ирцгээсэн. Хятад улс тухайн үе гадаадын бизнесменүүдийн хөрөнгө оруулалтын хуулийн тогтоолын дагуу гадаадын аж ахуйн нэгж ганцаараа хөрөнгө оруулж болохгүй, Хятадын тал ихэнх хувьцааг эзэмших хэрэгтэй байжээ. Энэх хязгаарлалыг 2005 оны 12-р сараас хойш хүчингүй болгож, гадаадын шуурхай шуудангийн ямар ч аж ахуйн нэгж, Хятадад ганцаараа хөрөнгө оруулж компани байгуулж, гадаадын удирдан хамаарах загвараар эрхлэлт явуулж болно. Энэ бодлого хэрэгжсэнээр, Хятадын шуурхай шуудангийн аж ахуйн нэгжид ихээхэн дарамт болсон байна.

     Өнөө Хятадын шуурхаай шуудангийн үйлчилгээний аж ахуйн нэгжүүд гадаадын компанитай гурван талаар зөрөөтэй байгаа. 1.шуурхай шуудангийн салбарт сүлжээний систем байх хэрэгтэй. Хятадын аж ахуйн нэгжүүд сүлжээний цар хэмжээгээр гадаадын аж ахуйн нэгжид хүрэхгүй. 2. Хятадын эрхлэлтийн арга туршлага болон удирдан хамааралт нэлээд учир дутагдалтай байгаа. 3. Хятадын шуурхай шуудангийн үйлчилгээний ажил төрөлд журамжаагүй нэлээд олон аж ахуйн нэгж байгаа.

     2005 оноос DHL，FEDEX，UPS，TNT зэрэг компаниуд Хятадад хөрөнгө оруулах, сүлжээ байгуулах төлөвлөгөө гаргаж, Хятадад хөрөнгө мөнгөний оруулалт, сүлжээний байгуулалтаа эрчимжүүлсэн байна. Мэргэжилтдийн үзэж байгаагаар, гадаадын эдгээр компаниудын үйлчилгээний этгээд нь голцуу Хятадын нутаг дэвсгэрт үйл ажиллагаа явуулж байгаа үндсэн дамнасан аж ахуйн нэгжүүд болно. Иймэс дотооддоо шуурхай шуудангийн үйлчилгээ хийж байгаа Хятадын аж ахуйн нэгжүүдэд тийм ч их нөлөө болохгүй байгаа. Гэвч алс холоос авч үзэхэд Хятадын аж ахуйн нэгжүүдэд үйлчилгээний арга хэлбэр, үйлчилгээний баримжаа, үйлчилгээний цар хэмжээгээ бүх талаар дээшлүүлж нэмэгдүүлэхгүй бол зах зээлийн дарамт, өрсөлдөөнд ирх тусмаа нүүрлэх болно.

     Хятадын шуурхай шуудангийн аж ахуйн нэгжийн ирээдүйн хөгжил тийм ч муу биш, тэдэнд өрсөлдөх давуутал байгаа. Тэдний хамгийн их давуу тал нь өөрийн нутаг дэвсгэр дээрээ үйл ажиллагаагаа явуулж байна. Тэд зах зээлээ ойлгоно, хүмүүсийн ажил үйл хийх зан дадгалыг ойлгоно, хүн хоорондын харилцааг ойлгодог болохоор үйл ажиллагаагаа явууахад үйлчлүүлэгчид амархан хүлээж авдаг байна.

     Гадаадын шуурхай шуудангийн үйлчилгээний компаниуд хөрөнгө мөнгө зузаан, тэргүүний удирдах арга барилтай ч Хятадын аж ахуйн нэгж сүүлийн жил түргэн хөгжиж, өөрийн онцлогтой давуу талыг бүрэлдүүлсэн байна. Тухайлбал: дотоодын, бүс нутаг, хот хоорондын шуурхай шуудангийн үйлчилгээний талаар Хятадын аж ахуйн нэгжүүд нэлээд их өрсөлдөх хүчин чадалтай байна. Гадаадын шуурхай шуудангийн компанитай өрсөлдөхиийн тулд, Хятадын аж ахуйн нэгжүүд хамтын ажиллагаагаа эрчимжүүлж, эх баялгаа цэгцлэн нэгтгэж, стартегийн холбоо тогтоож, үүгээрээ үйлчилгээний төрөл зүйлээ нэмэгдүүлж, үйлчилгээний цар хэмжээгээ өргөтгөж, зах зээлд өрсөлдөх хүчин чадлаа нэмэгдүүлэх хэрэгтэй гэж мэргэжилтэд үзэж байна.