10-р сонгуулийн БХАТИХ-ын жил тутмын ээлжит чуулган 10 хоног чуулаад өчигдөр өндөрлөлөө. Хятадын ерөнхий сайд Вэнь Жябао энэ чуулган дээр хийсэн засгийн газрын ажлын тайландаа Хятадын засгийн газрын хэрэгжүүлж байгаа бүх ард түмний боловсролыг дээшлүүлэх бодлогыг дэлгэрэнгүй өгүүлсэн бөгөөд тус чуулганаар батлуулсан Хятадын улс ардын аж ахуй хийгээд нийгэмийг хөгжүүлэх 11-р таван жилийн төлөвлгөөнд ч 9 жилийн заавал сургах боловсролыг түгээмэлжүүлэн бэхжүүлэх явдал бол Хятадын эдийн засаг нийгэмийн хөгжлийн гол зорилтын нэг мөн гэж тодорхой дэвшүүлсэн байна.

     Энэ талаар БХАТИХ-ын Шинжлэх ухаан боловсрол соёлын комиссын орлогч дарга Лиү Инмин хэлэхдээ,
Сүүлийн 10 жилийн турш Хятадын засгийн газар болон ард түмэн 9 жирийн заавал сургах боловсролд хамрагдах хүн амын хэмжээг 94 хувьд хүргээхийн төлөө уйгагүй чармайж ажилласан бөгөөд 2005 онд энэ талаар нэлээд их ахицтай болсон байна. Энэ бол том амжилт мөн, гэвч мөн бас маш их ажил хийх хэрэгтэй байна гэжээ.

     Сүүлийн жилүүдэд бүх ард түмний боловсролын талаар Хятадын олсон ололт амжилтыг хүн бүхэн мэдэж байна. Гэвч Хятадын хүн ам дэндүү олон, улс орны хүчин чадал мөн харьцангуй сул дорой байгаа учраас Хятадын хэмжээнд мөн 8 хувийн газар нутагт заавал сургах боловсролыг түгээмэлжүүлж чадаагүй бөгөөд энэ нь үндэсэн дээрээ Хятадын баруун бүсийн ядуу хоцронгуй нутагт төвлөрч байна.

     Улс орон үндэсэн боловсролыг түгээмэлжүүлэх талаар их амжилтад хүрсэн боловч баруун бүсийн хөдөө нутгийн боловсролын ажилд мөн их олон асуудал оршиж байна гэж баруун бүсийн хөдөө орон нутгаас хүрэлцэн ирсэн депутат нар үзэж байна. Баруун өмнөд нутгийн Гуаншигийн Жун Үндэстний Өөртөө Засах Районы Ма Линжэнь сууринаас сонгогдсон ардын депутат Гань Инзи хэлэхдээ,

     Хөдөө тосгоны их олон гэр бүл маш ядуу, сургалтын залдалыг төлж чадахгүй учраас хүүхэд сургууль завсардаж байна. Хөдөө тосгоны сургуулиуд мөн багш дутуу, энэ нь мөн боловсрол түгээмэлжүүлэх ажлыг харшилж байна гэжээ.

     Аав ээж нь хот орж ажиллаад хүүхэд нь хөдөө тосгонд үлдэж хоцорч байгаа үзэгдэл мөн маш өргөн дэлгэр оршиж байна. Манай шяний байдлаар авч хэлбэл ийм хүүхэд бараг 40 хувьд хүрч байна. Энэ талын асуудлыг анхааран зохицуулахыг холбогдох салбарт хүсч байна гэж Сьчуань мужийн Жяньгэ шяний депутат Ма Ли хэлсэн байна.

     Заавал сургах боловсролыг түгээмэлжүүлэхээс гадна бас яс чанарыг дээшлүүлэх талаар хүч тавих хэрэгтэй, үүнд улс орны санхүүгийн дэмжилгийг боловсролын яс чанарыг дээшлүлэх дээр түлхүү хэрэглэх ёстой гэж депутат нар үзэж байна.

     БХАТИХ-ын төлөөлөгч, БХАТИХ-ын шинжлэх ухаан боловсрол соёны хэрэг эрхэлсэн комиссын гишүүн, үндэсний боловсролын хорооны албаны хүн Лиү Инь хэлэхдээ,

     Олон жилийн турш манай орны боловсролын ажил үйлэс их түргэн хөгжсөн, гэвч энэ бол төлбөр хураамж авч байж хөгжсөн юм. Энэ нь хэрэг дээрээ боловсрол хүртэгчийн дарамтаар үнэ төлбөр болгосон байна. Орлогын зөрөөгөөс болж хөдөө тосгоны боловсролын дарамт нэн хүнд байна. Заавал сургах боловсролын төлбөрийг чөлөөлөх явдал бол хөдөө тосгоны боловсролын асуудлыг шийдэх маш чухал алхам дараа мөн гэжээ.

     Энэ онд Хятад улс "заавал сургах боловсролын хууль"-даа өөрчлөлт оруулах гэж байна. Өөрчлөлт оруулсаны дараа Хятад улс төлбөр төлдөг заавал сургах боловсрол хэрэгжүүлж байснаасаа төлвөргүй заавал сургах боловсрол хэрэгжүүлэх түүхэн шинэ үе шатанд шилжих бөгөөд энэ нь хамгийн түрүүнд хөдөө тосгоноос эхлэх юм байна. Үүний улмаар хот хөдөөгийн боловсролын яс чанарын зөрөө багасч, нийгмийн шударга байдалд маш сайн сайхан үндэс суурь тавьж өгөх болно.