Хятад Улсын Дарга Хү Жиньтао Японы Япон--Хятадын найрамдлын долоон байгууллагын дарга нар болон тэднийг дагалдан яваа хүмүүстэй 31-ний өдөр Бээжинд уулзах үе хэлэхдээ, Хятад Японы харилцааг сайжруулан хөгжүүлэхэд нааштай үүрэг гүйцэтгэхийг Япон--Хятадын найрамдлын долоон байгууллагад Хятадын тал хүсч байна гэжээ.

     Дарга Хү Жиньтао хэлэхдээ, урт хугацааны турш Япон--Хятадын найрамдлын долоон нийгэмлэг нь хоёр орны харилцааг хэвийн болгох, сайн хөршийн найрсаг харилцааг хөгжүүлэх талаар ихээхэн ашигтай ажил хийсэн. Үүнийг Хятадын тал өндрөөр үнэлж байна гэжээ. Өнөө, хоёр орны харилцаа бэрхшээлтэй байгаа байдалд, Япон--Хятадын найрамдлын долоон байгууллага Хятад улсад айлчилж, Хятадын холбогдох байгууллагуудын хариуцлагатан нартай яриа хэлцэл хийж байгаа нь хоёр орны харилцааг сайжруулан хөгжүүлэхийг хоёр ард түмэн хүсч байгааг бүрэн харуулж байна. Энэ айлчлал нь хоёр ард түмний ойлголцол, найрамдлыг нэмэгдүүлэхэд тус дөхөм үзүүлэх болно гэдэгт итгэж байна гэжээ. \Баясгалан орчуулж О.Дарамбазар хянав.\