Саяхан өнгөрсөн 5-р сарын 31-ний өдөр бол Хятадын уламжлалт билгийн улиралын таван сарын шинийн тавны баяр, өөрөөр хэлбэл Хятадын гурван том уламжлалт баярын нэг—Дуань ү баяр мөн. Билгийн улиралын таван сарын шинийн таванд хүмүүс олон зүйлийн идээтэй хулсны навчинд шүлхий тутарган цагааныг баглан чанасан "Зүн зи " гэдэг хүнсний зүйлл идэж, зарим газар луут завь уралдуулах зэрэг тэмдэглэх арга хэмжээ зохион явуулдаг.

    Таван сарын шинийн таваны өдөр Зүн Зи идэх заншилтай болсон нь түүхэн дээр болсон үйл явдлаас үүсгэлтэй юм. 2200 гаруй жилийн өмнө тухайн үеийн Хятадын эх газар нь олон жижиг улс хоорондоо дайдан байлдаж байсан үе билээ. Төв нутгийн Чү улсад албан тушаалтан бөгөөд яруу найрагч Чю Юань гэдэг хүн байжээ. Тэрээр өөрчлөлт хийж улс орноо хүчирхэгжүүлэх бодлого баримталснаас тухайн үеийн ноёрхогч бүлгийнхэнтэй хурц зөрчилтэй болсноор хавчил шахалтад учран цөлөгдсөн байжээ. Хожим нь Чү улс ноёрхогч бүлгийнхэний доройтлоос болж мөхсөн байна. Энэ мэдээ Чю юаний чихэнд хүрсэнд тэр хилэн хорсол төрж, таван сарын шинийн тавны өдөр голд харайж амиа хөнөөсөн байна. Хүмүүс түүний чигч зоригийг хүндэтгэн голын загас түүний шаралыг идэхээс айж, шүлхийн цагаан будааг хулсны навчинд баглан голд өргөсөн гэдэг. Үүнээс хойш таван сарын шинийн тавны өдөр болох бүр айл өрх болгон гол мөрөнд жав сэлж хулсны начинд багласан шүлхий тутарган цагаан—Зүн Зийг гол мөрөнд өргөх заншилтэй болсон гэдэг.