Дээр зууны далаад оноос эхэлсэн өөрчлөлт нээлтийн хүчит урсгалд наймаа шуумай хийвэл ичгүүртэй гэж боддог байсан малчидын үзэл ойлголт, сэтгэхгүйн хэлбэрт бүрмөсөн өөрчлөлт гарч, хот орж гуанз нээж, нутгийн гаралтай идээн ундаан борлуулж, үндэстнийхээ онцлогтой зүйлийг зарах зэргээр өрсөлдөөн ихтэй зах зээлд өөрийн гэсэн байр сууриа эзэлсэн байна.тэдний дотроос хөх хотын цахар гуанзны эзэн мөнхөө туяа хоёр хошуучилж байгаа юм.

     Өвөр монголын өөртөө засах раионы шулуун хөх хошууны шандын гол суманд нутагтай мөнхөө гэрэл хоёр хот орж худалдаа наймаа хийхээр зориглон шуудсан нь арван хэдэн жилийн өмнөх хэрэг байжээ. 1989 онд мөнхөө гэргий гэрэлээ Өвөр монголын төв хөх хотод өвчнийг нь үзүүлэхээр ирээд сар гаруй хугацаа суухдаа хот газар боорцог их борлуулага сайтай байгааг мэджээ. Тэгээд бусдын хийснийг бид ч хийж чадна гэж зориглон боорцог хийх зарах болсон байна.гэвч тэрээр гэргий хүүхэдээ орхиж урьдаар ганцаараа хөх хот орсон байлаа. Тэрээр наймхан зуун юаниатай хөх хотод ирээд өвөр монголын багшийн их сургуулийн хашаанд нэг жижигхэн гэр түрээслэж, өглөө цай чанан боорцог зарж, өдөр нь жаал жуул ногоо хуурж ажил үйлсийнхээ анхны гарааг тавьжээ. Тэгээд хэдэн сар чармайсны эцэст бага сага орлоготой болжээ. Түүний дараагаар тэрээр эхнэр хүүхэдээ нүүлгэн авчирч, наймаа хийх замаар эргэлт буцалтгүй замнасан байлаа. Ингээд хоёр жилийн дараа цахар өргөө гэдэг гуанз нээж, нутгийнхаа хонины махаар банш бууз барьж, хуушуур хийж, хол ойрын гадаад дотоодын монгол зочид түүний гуанзанд их ирдгэ болжээ. Тэрээр одоо хэдэн хэдэн салбар гуанз нээгээд, жил болгон улсад 20 мянган юаний татвар төлдөг болжээ. Түүний гуанзанд хөдөөгийн хориод залуучууд ажиллаж байгаа юм. Хөдөөгийн малчин мөнхөө гэрэл хоёр одоо зургаан зуун мянган юаний хөрөнгө оруулж, гуанзаа цаашид өрөгтгөн байгуулахаар чармайж ажиллаж байгаа юм. өвөр монголын малчид энэ мэтээр хот орж наймаа хийж зах зээлийн нийгэмд оршин тогтнох нь өдрөөс өдөр олон болж , амьдрал нь ч улмаас улам сайжирч байгаа юм.