Далайн хар салхи "Саомай" 10-ны орой Хятадын зүүн хэсгийн Жэжян мужаар хуурай газарт гарч, орон нутагт нэлээд их гарз хохирол учруулсан байна. 11-ний өдрийн 8 цагийн эхний бүртгэлийн байдлаар, тус мужийн гамшгийн байдал хамгийн хүнд байгаа Вэньжөү хотод 28 хүн эндэж, 11 хүн алга болж, эдийн засгийн шууд газр хохирол нь 4 тэрбум 500 сая юаниас давсан байна. Гамшгийн байдал хүндэрч байна.

    Далайн хар салхины хуурай газарт гарах үеийн хурд секунтэнд 68 метр хүрч, 50 жилийн хугацаанд Хятадын эх газарт гарсан хамгийн хүчтэй хар салхи гарсан байна. Хар салхинд өнөө Вэньжөү хотын 18 мянга гаруй гэр байшин нурж, олон авто зам эвдэгдэж, хэсэг нутгийн холбоо тасарчээ.Жэжян, Фүжянь хоёр муж өнөө сая 600 мянга гаруй иргэдийг яаралтай шилжүүлж, авран туслах ажил өрнүүлж байна. \Цэцэн орчуулж, О.Дарамбазар хянав.\