Энэ зун Бээжингийн цаг агаар өнгөрсөн жилүүдийн шиг бөгцөм халуун биш ч, Бээжин хотын том жижиг гудамжаар тархан байрласан номын сангууд харин маш халуун хөгжөөнтөй ажиллаж байна. Эдгээр номын сангууд лекц унших, зохиогч гарын үсэг зуран номоо худалдах, уншигчдын салон зэрэг ажиллагаа өрнүүлж, Бээжин хотын оршин суугчдын зуны амралтын хугацааны ном унших ажиллагаа ингэж хөгжилтэй явагдаж байна.

     Ван фү жин номын сан бол Бээжингийн хөл хөдөлгөөн ихтэй газрын хамаг том номын сан юм. Хүүхэд залуучуудад амралтын хугацаанд нь олон сайхан ном хангахын төлөө энэ номын сан нь түүх, шинжлэх ухааныг түгээмэлзүүлэх, уран зохиолын зэрэг тусгай булан гаргаж, адил бус дур сонирхолтой бяцхан уншигч нарын шаардлагыг хангаж байна. Үүний зэрэгцээ Ван фү жин номын сан нь бас гол сэдвээр ном унших болон тусгай сэдэвэт лекц унших зэрэг ажиллагаа зохиож байна. Жишээлбэл " сэтгээхүй болон орчин үеийн авто машины засвар", " англи хэлний авьяаг ганц өдөрт эзэмших" лекц, хүмүүнлэгийн олимпын байдлыг харуулсан хичээл, алдарт багш нар хичээл орох, " Тан шаны их газар хөдлөлтийн тухайн үеийн байдалтай танилцах" зэрэг үйл ажиллагаа зохиож байна. Үүнд " газар хөдлөлтийг биеэрээ өнгөрүүлсэн нь" гэсэн ном уншигч олны сонирхлыг ихэд татаж байлаа. Энэ номыг алдарт зохиолч Сү Шү ян зохиосон юм. Ван фү жин номын санд зохиогдсон уншигч нартай уулзан золгох үйл ажиллагааны үеэр Сү Шү ян хэлэхдээ:

     " 1976 оны 7-р сарын 28-ны Таншаны газар хөдлөлт бол Хятадын шинэ үеийн түүхэн дээрэх гүн ач холбогдолтой хэрэг юм. Энэ газар хөдлөлтөөр маш олон хүний хувь заяаг өөрчилсөн болохоор би энэ номыг бичиж гаргах нь маш чухал юм. Тухайн үед би Таншаны газар хөдлөлтийн газар дээр нь хүрээгүй, харин газар хөдлөлтөөс авран туслах эмнэлгийн ангийн гишүүн болсоны хувьд, өмнө фронтод ажиллах тушаал зарлигыг цаг ямагт хүлээж байсан юм. Бид өмнө фронтод ажиллах тушаал хүлээсэн хагас сарын хооронд, тухайн үеийн нааштай бэлтгэл хийж байсан байдал болон газар хөдлөлтөд шархадсан хүмүүсийг авран тусалж байсан болон газар хөдлөлтийн гамшигаас авран туслах ажил хийж байсан маш олон сэтгэл догдлуулам байдлаас би энэ номыг бичиж, тухайн үеийн байдлыг сүүлчийн хүмүүст ойлгуулахыг бодсон юм гэжээ.

     Ши-даны номын том давхар байшин бол Бээжингийн төв дунд байрлаж байгаа бас нэг номын том сан болох юм. Энэ номын санд зуны амралтын хугацаанд уран зохиол, түүх, газар зүй, англи хэл, гамшигаас түргэн авран туслах зэрэг сэдэвт төрөл бүрийн симпозиум зохиосон бөгөөд мөн " Олимпын лекц" зохиож, нэрт профессор, алдарт сэтгүүлч, биеийн тамир спортын од жич нийгмийн нэрт зүтгэлтнийг урьж лекц уншуулан, ногоон олимп, шинжлэх ухаанч олимп, хүмүүнлэгийн олимп зохион явуулах ухаагдахуунийг яриулж, олимпын мэдлэгийг сурталчлуулан, олимпын үзэл санааг санаачлуулсан юм. /Пэрлаймаа найруулан орчуулав/