Өрхийн орлогын зохицуулалт гэдэг үг хуучинд хятад хүмүүсийн амьдралд төдий хэрэглэгдэхгүй байсан. Гэтэл өнөө Хятадын олон хотуудын олон нийтийн газар өрхийн орлогын зохицуулалтыг танилцуулсан зар реклам зөндөөн харагдах болжээ. Нийгмийн хөгжил эд баялаг нэмэгдэхийн хирээр өрхийн орлогыг хэрхэн зохицуулах нь өнөө олон хүмүүсийн бодож сэтгэх асуудал болсон байна.

     Сүүлийн үед Бүх Хятадын Эмэгтэйчүүдийн Холбоо банктай хамтран Бээжинд өрхийн орлогыг зохицуулах тухай мэдлэгийн дамжаа эрхэлсэн байна. Дамжаанд оролцогсдын олонх нь бараг олон газраас ирсэн эмэгтэйчүүд байлаа.

     Бээжингийн нэг албан байгууллагад ажилладаг хатагтай Жү Юйжин энэ дамжаанд оролцсон байна. Тэрээр сурвалжлагчид хэлэхдээ, уул нь мөнгө төгрөгийг санааны зоригоор хэрэглэж байсан. Гэрлэсний дараа үргэлж хадам ээжтэй хамт дэлгүүр явж юм авах болсон юм. Харьж ирвэл хадам ээж бүх зарсан мөнгөө жижиг дэвтэр дээр тэмдэглэж байхыг хараад өөрөө ч данс хийж тэмдэглэх болсон. Энэ явцад зарим хэрэгцээгүй зарлага гарсныг мэдэж дараа юм авахдаа ийм байдлыг гарахаас зайлсхийх болсон гэжээ.

     Хатагтай Жү юйжингийн өрхийн орлогын зохицуулалтын тухай хэрэгцээ шаардлага нь хятад хүмүүсийн орлогод гарсан өөрчлөлтийг тусгаж байгаа юм. Өнгөрсөн үед Хятад улс төлөвлөгөөт эдийн засгийн бодлого хэрэгжүүлж байснаас иргэдийн гарт илүү мөнгө байсангүй тул орлогын зохицуулалт хийх шаардлага байхгүй байжээ.Сүүлийн жилд Хятад улсын эдийн засаг түргэн хөгжиж ирснээр энгийн ард иргэдийн орлого ч ихээр нэмэгдсэн байна.

     40 гаруй настай Лю Яньбинь бол Хятадын өрхийн орлогын төлвөлөгөөний мэргэжлийн комиссын нарийн бичгийн дарга юм. Тэрээр хэлэхдээ, биднийг бага байхад хүмүүсийн цалин нийтдээ бага байсан тул амьдралдаа нарийн төлөвлөөгөө хийж амьдардаг байсан, Одоогийн хүмүүсийн орлого их нэмэгдсэнээр өнөө хүмүүс илүү гарсан мөнгөөр яаж хөрөнгө оруулах, ирээдүйн амьдралаа яаж нэн тогтвортой төлөвлөх, амьдралын чанар чансааг хэрхэн дээшлүүлэхийг санаачлах болсноор өрхийн орлогын зохицуулалт шаардагдах болсон байна гэжээ.

     Гэр бүлийн орлогод зохицуулалт хийх шаардлагтай болсноор энэ нь Хятадын нийгмийн хөгжлийн нэг зүйлийн хэрэгцээ шаардлага болсон байна. Өнгөрсөн үед төлөвлөөгөөт эдийн засгийн тогтолцоонд хятад хүмүүсийн эрүүл мэнд, өталөө насны тэтгэвэр зэргийг бүхнийг улс орон зохицуулж байсан. Хорьдугаар зууны 90-ээд оноос хойш зах зээлийн эдийн засагт шилжсэнээс хойш энэ бүхнийг бүр алхам дараатай нийгэмд шилжиж, Улс орон зөвхөн нийгмийн хамгаалалын наад захын баталгаа хангах болж, өтөл насны амьдралаа баталгаажуулан дээшлүүлэх гэвэл эрхбиш одоогоос өрхийн орлогын зохицуулалт хийх хэрэгтэй болжээ. Үүнээс гадна, нийгэмийн хөгжил нь хүмүүсийг оюун санааны болон эд материалын талаар гэсэнгүй нэн өндөр түвшнийг хөөцөлдөх болгосноор өрхийн орлогын зохицуулалт нь энэ зорилтыг биелүүлэх үр ашигтай арга зам боллоо гэж мэргэжилтнүүд үзэж байна. /Урангоо орчуулж бэлтгэв/