Бээжингийн зүүн дүүргийн хөл хөгжөөнтэй худалдааны районд "Парис Bagutte" гэдэг Франц нарийн боовны дэлгүүр байдаг. Нарийн боов хийдэг мастер шинэ нарийн боовыг тогооноос гаргах бүр хонх дугарган нарийн боовны нэрийг хэлдэг нь уг дэлгүүрийн өвөрмөц онцлог юм.

     Энэ нарийн боовны дэлгүүр бол Өмнөд Солонгосын хүнсний хамгийн том компани—SPC компанийн Бээжин дэх салбар дэлгүүр билээ. Түүний захирал нь Мүнь чан зүнь гэдэг Сеүл гоё залуу юм.

     Тэр Хятад улсад ирээд дөрвөн жил болж байна. Хятад улсад ажиллах сониролтой байдаг нь бага байхдаа эгчээсээ " залуу насны дуулал" гэдэг хятад ардын дуу сурч түүнээс хойш хятад улс нь түүнд туйлын дотно санагдах болжээ.

     Мүнь чан зүнь их сургууль төгсөөд SPC компани Хятад услад ажил үйлс хөгжүүлэх гэж байгаа төлөвлөгөөг дуулаад уг компанид ирж ажилласан байна. Гурван жилийн өмнө, уг компани Шанхайд анхны салбар дэлгүүр ажилуулахад Мүнь чан зүнь орлогч захиралаар ажилласан юм. SPC компанийн Шанхай дахь салбар дэлгүүр нь Парисын онцлогтой нарийн боов хийдэг болохоор өрнөдийн нарийн боов боорцог идэх дуртай Шанхайчуудын таашаалыг хүлээж тэр жилдээ Шанхайд найман салбар дэлгүүр ажиллуулж, энэ оны эхээр Бээжинд салбар дэлгүүр ажиллуулж, Мүнь чан зүнь ч Бээжинд ирж ажилласан байна.

     "Парис Bagutte" дэлгүүрийн өнөөгийн үйлдвэрлэж байгаа нарийн боов 250 гаруй төрөл зүйлд хүрч, өрнөдийн хүмүүсийн дуртай хэрэглэдэг төрөл бүрийн талх, нарийн боов байхаас гадна Бээжин хүмүүүсийн хэрэглэдэг талх, олон зүйлийн бялуу байдаг.

     Дэлгүүр нь 40 гаруй ажилтан ажилчинтай, дийлэнх олонх нь хятад хүмүүс юм. Энэ жил Бээжинд бас нэг салбар дэлгүүр ажиллуулсан байна.

     Мүнь чан зүнь эхнэр, хоёр настай хүүтэйгээ Бээжингийн зүүн дүүргийн Ван Жин оршин суугчдын хороололд амьдарч байна. Уг хороололд олон Өмнөд Солонгос хүн амьдарч байгаа ба ойр хавиар нь Өмнөд Солонгос хүний эрхэлсэн хоолны газар гуанз олон байгаа тул Мүнь чан зүньд харь оронд байх сэтгэгдэл ер төрөгддөггүй гэнэ.

     Мүнь чан зүнь Бээжинд урт хугцаагаар сууж, нэн олон найз нөхөдтэй танилцан хятад хэлний түвшнээ цаашид дээшлүүлэх төлөвлөгөөтэй байна. Компани нь ч Бээжинд зургаан салбар дэлгүүр ажиллуулж, цаашид Хятадын нэн олон хотод ажил үйлсээ өргөтгөх төлөвлөгөөтэй байна. /Урангоо орчуулж бэлтгэв/