Хятадын сүүдэр ший гэж хэлбэл зарим сонсогчид андангүй мэднэ, тэгвэл сүүдэр шийн бүжиг гэвэл тэр бүгэд сонсоогүй биз? Хятадын Хэ Бэй мужийн Тан Шань хотод өндөр настайчуудаар бүрэлдсэн "Чио ший ян" гэдэг сүүдэр шийн бүжгийн анги байдаг. Энэ жилийн төв телевизийн хаварын баярын үдэшлэг дээр тэд сүүдэр шийн бүжиг тоглоод үзэгчдийн таашаалыг хүлээсэн юм.

     Хятадын ардын уламжлалт сүүдэр ший нь хүний дүрийг элжиг болон үхэрийн арьсаар хийж, дэлгэцэн дээр сүүдэр гарган тоглуулдагаас сүүдэр ший гэж нэрлэсэн юм. "Чио ший ян" өндөр настайчуудын бүжгийн ангийн тоглодог сүүдэр шийн бүжиг нь тоглогчдын бүжгийн хөдөлгөөнөөр сүүдэр шийн онцлогийг харуулдаг байна.

     "Чио ший ян" өндөр настайчуудын бүжгийн анги нь 12 өндөр настайчуудаар бүрэлдэж, хамгийн ахмад энэ жил 74-тэй Гао Лань гэдэг, тэр мөн тэднийхээ дарга юм. Юуны учир өндөр настай болоод бүжгийн тайзна тоглох болсон тухай сурвалжлагч ойлгоход тэрээр, нэгд хөл гараа хөдөлгөж чийрэг явахыг бодлоо, нөгөө нь тэтэгвэрт гараад ганцаардаж уйдахаас зайлахын төлөө юм гэжээ.

      Гао Лань тэтэгвэрт гараад их уйтгартай байдалд орсон юм байна. Хожим нь Тан Шаний өндөр настайчуудын их сургууль байгуулагдсанд бүжигт сонирхолтой тэрээр бага сага юм олж сурч өглөө хамт биеийн тамирын дасгал хийдэг үеийн хөгшидтээ зааж сургах гэж бүжгийн дамжаанд бүртгүүлсэн байжээ. Ингээд өдөр бүр бүжгийн дамжаанд сурч, буцаж ирээд сурсан зүйлээ үеийн хөгшидтээ заадаг. Энэ нь түүнд туйлын их баяртай санагдаг байжээ.

      Аажмаар өглөөдөө түүнийг даган бүжиг сурах хүн олон болсон байна. 10 жилийн өмнө "Чио ший ян" өндөр настайчуудын бүжгийн ангийг байгуулж, тэр жилдээ тэдний тоглосон бүжиг нь бүх Хятадын өндөр настайчуудын бүжгийн уралдаанд шагнал хүртсэн байна. Үүнээс болж тэдний урам зориг хөгжиж тайзна албан ёсны тоглолтод оролцох нь тэд нарын хүсэл мөрөөдөл болжээ.

      1997 онд Тан Шаньд өндөр настайчуудын урлагийн чуулга байгуулагдах үед тэд нас хэт өндөр болсны улмаас орж чадсангүй юм. Үүнээс болж Гао Лань өөрийн дутуугаа олж харж, мэрэгжилийн багшаас онцлогтой бүжиг сурч дасгалжих хэрэгтэй гэснийг ойлгосон байна. Тэр бусадын танилцуулагаар Тан Шаний нэртэй сүүдэр шийн бүжгийн багш Фань Жиньсайтай танилцаж түүнээс сүүдэр шийн бүжиг сурсан байна.

      Тухайн үед сүүдэр шийг 11 жил судлан оролдсон Фань багш судлан оролдсон бүтээлээ эдгээр өндөр настайчуудаар тоглуулж нэрээ хуглахаас айж байжээ. Гэвч эдгээр настайчуудын цөхрөлтгүй дагаж нэхэж гуячилсны дүнд Фань багш өөрөөсөө бүр эгч шавь нарт сүүдэр шийн бүжгийг заасан байна.

     Гэвч бүжгийн хөдөлгөөнийг шаардлага ёсоор сурч гүйцэтгэх нь эдгээр өндөр настай хүмүүст авч хэлбэл тийм ч хялбар хэрэг биш юм. Хатуу бэрх эрчимжүүлсэн дасгалыг тэд эцэсийн бүлэгт хатуу зориг халуун урамаар туулж гараад тоглолт нь өндөр шаардлагтай төв телевизийн хаварын баярын үдэшлэгт шилэгдэн орж настан буурлууд тайзна албан ёсны тоглолт гарах мөрөөдлөө биелүүлсэн байна. /Урангоо орчуулж бэлтгэв/